Европа
Курц: Нападите врз новинари се напади врз слободата на изразувањето и демократијата
По повод изгласувањето на резолуцијата за безбедноста на новинарите на 23 ноември – Меѓународниот ден за ставање крај на неказнивоста на злосторствата против новинарите – од страна на 3. Комисија на Генералното Собрание на ОН, министерот за надворешни работи на Австрија Себастијан Курц порача дека „напад врз новинари придонесува кон замолчување на важни гласови во општеството и до спречување на слободно изразување на јавното мислење“.
„Со тоа нападите стануваат закана за демократијата. Меѓународната заедница мора да продолжи со притисокот за да се спречи ноншалантниот однос кон неказнувањето на таквите напади. Се додека сторителот не мора да се плаши од последици таквите напади ќе се повторуваат“, смета Курц.
Во светот секоја недела умира најмалку еден новинар. Во 2015-та година бројката веќе е зголемена на 69 новинари кои загинаа поради нивната професија. Бројката на оние кои поради нивната работа се нападнати или им се упатуваат закани е уште поголема. Нападите не се ограничени на ниту еден регион. Особено се засегнати новинарите кои известуваат за темите корупција или организиран криминал. Исто така се повеќе новинари, како што беше во случај со трагичниот напад врз редакцијата на „Шарли Ебдо“ оваа година во Париз, се мета на тероризмот и радикалниот екстремизам.
Коренот на проблемот а воедно и главната цел на австрискиот ангажман е неказнивоста. Над 90 проценти од злосторствата извршени против новинарите никогаш не се расветлени а исто така голем број на жртвите ниту поднесуваат пријави ниту добиваат поддршка од страна на работодавецот.
Затоа поддршката на „Безбедноста на новинарите“ е една од главните теми на австриската политика за човекови права. Целта на австрискиот ангажман е имплементација на мерки за конкретното подобрување на работното опкружување на новинарите во целиот свет, како и создавање на свесност и размена на успешни примери, се вели во соопшението од австриската амбасада.
Од таа причина Австрија беше главен иницијатор на консензуално усвоената резолуција на Генералното собрание на ОН. Таа се надоврзува кон една иницијатива на Австрија за време на нејзиното членство во Советот за човекови права на ОН во Женева во која е содржана листа на конкретни мерки. Со резолуцијата се повикуваат владите да започнат со независни истраги и со гонење на сторителите. Владите исто така треба да придонесат кон создавање на безбедносно опкружување, на пример преку развој на специјални програми за заштита на новинарите, порачуваат од австриската амбасада./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.