Европа
Лавров не смета дека Русија губи во ‘битката за Европа’ со САД
Русија не ја губи „големата битка“ за влијание во Европа со Соединетите држави, изјави во саботата министерот за надворешни работи Сергеј Лавров.
„Америка сака да ја искористи сегашната ситуација економски да ја отцепи Европа од Русија и да издејствува за себе најповолни услови во контекстот на тековните преговори за формирањето на Трансатлантското трговско и инвестициско партнерство“, смета шефот на руската дипломатија, Сергеј Лавров.Тој истакна дека преговорите меѓу САД и Европската унија се водат веќе неколку години со многу дилеми од европска страна. „Европа доста долго упорно ги бранеше своите интереси. Според мислењето на Европејците, САД сакаа да си обезбедат несправедлив договор и предност. Сепак, сега овие напори се интензивираа, вклучително и во обидите да ѝ се наметнат на Европа испораките на американскиот течен природен гас (LNG) по цени коишто не можат да бидат конкурентни со цените за испораките на рускиот природен гас. Зад тоа, безусловно, стои економскиот интерес. Меѓутоа, огромна па дури и клучна улога играат геополитичките пресметки“, рече Лавров во интервјуто за телевизијата ТВ Центр.Одговарајќи на прашањето дали ја губат Русите Европа во борбата со Американците, шефот на руската дипломатија вели дека „не смета оти е така“. „Во моментов забележуваме преиспитување на таквата ситуација внатре во ЕУ. Многу зборува фактот што токму не најголемите и водечки земји во Европската унија отворено зборуваат за тоа дека политиката на санкции (против Русија) претставува ќорсокак и е контрапродуктивна“, истакна Лавров. Лавров изјави и дека политиката на санкции од страна на ЕУ против Русија за нејзината наводна улога во украинската криза „не може да трае долго, бидејќи во рамките на Европската унија сѐ уште се слушаат гласови на разумот кои посветуваат внимание на апсолутно парадоксалната ситуација кога на денот на потпишувањето на договорот за прекин на огнот (во источна Украина, 5-ти септември), ЕУ донесе одлука да му препорача на советот на амбасадорите на земјите членки во ЕУ, да подготви нова листа со санкции“.„Токму тој ден кога се оствари (примирјето), благодарејќи првенствено на иницијативата на рускиот претседател Владимир Путин“, истакна Лавров./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во недела голем тест за Ердоган: ќе успее ли „султанот на Турција“ повторно да ја освои власта во Истанбул и Анкара
Во недела во Турција ќе се одржат општински избори, а во оваа прилика партијата на претседателот Реџеп Таип Ердоган (АКП) ќе се обиде да ја врати контролата врз Истанбул и Анкара, градови кои гласаа против АКП во 2019 година.
Аналитичарите тврдат дека овие избори ќе бидат мерка за поддршка на Ердоган на национално ниво, но и за силата на опозицијата, особено на градоначалникот на Истанбул, Екрем Имамоглу. Според Ројтерс, се очекува тесна трка за градот Босфор, кој е дом на повеќе од 16 милиони луѓе и придонесува повеќе од една четвртина од националниот БДП.
На последното локално гласање во 2019 година, главната опозициска Републиканска народна партија (ЦХП) го изненади Ердоган кога преовлада во Истанбул и Анкара, ставајќи крај на повеќе од две децении владеење на АКП и нејзините исламистички претходници.
Главниот противник на актуелниот градоначалник на Истанбул, пратеникот на ЦХП, Имамоглу е членот на АКП, Мурат Курум, поранешен министер во кабинетот, додека анкетите покажуваат мала предност за Имамоглу. Анкетите велат дека актуелниот градоначалник на Анкара, Мансур Јавас, е далеку пред противникот на АКП, Тургут Алтинок, поранешен претседател на општина во тој град.
Речиси 11 милиони луѓе имаат право на глас во Истанбул, според Врховниот изборен совет. Излезноста на општите и локалните избори е многу висока во Турција, близу 90 проценти. Минатиот мај, Ердоган беше реизбран за претседател и неговата алијанса освои мнозинство во парламентот на тесни општи избори, резултат што, според Ројтерс, ја поделил и деморализирал алијансата ЦХП и другите опозициски партии.
Буџетот на Истанбул е многу поголем од сите други 80 градови во земјата со 516 милијарди лири (16,05 милијарди долари) во 2024 година вклучувајќи ги и нејзините подружници, додека буџетот за главниот град Анкара, од друга страна, е 92 милијарди лири.
Освен во Истанбул и Анкара, резултатите се очекува да бидат блиски и во градовите Бурса, Адана и Анталија. Во недела, Турција ќе гласа и во другите 79 провинции во земјата, за лидери и окружни шефови на провинции, окружни совети и локални администратори.
Европа
Силен земјотрес во Италија, почувствуван и во Словенија и Хрватска
Европско-медитеранскиот сеизмолошки центар (EMSC) соопшти дека вечерва во 22 часот и 20 минути, северниот дел на Италија е погоден од земјотрес со јачина од 5,0 степени според Рихтеровата скала.
Епицентарот на земјотресот бил на 13 километри од градот Толмецо.
Според првите податоци, земјотресот се случил на длабочина од 10 километри.
Се почувствува и во соседните земји, вклучително и Словенија и дел од Хрватска, пишуваат хрватските медиуми.
Европа
Бројот на жртвите во терористичкиот напад во Москва се искачи на 143
Руското Министерство за вонредни ситуации денеска соопшти дека бројот на загинати во терористичкиот напад на Crocus City Hall во предградието на Москва се искачи на 143.
Како што соопшти претходно денеска Рускиот истражен комитет, веќе се идентификувани телата на 84 жртви. Меѓу нив има пет деца на возраст од девет до 16 години.
Нападот на концертната сала Crocus City Hall во Красногорск кај Москва се случи во петокот вечерта, кога неколку вооружени терористи во маскирни униформи влегоа во објектот и отворија оган врз присутните.
Тие активирале експлозивни направи на повеќе места, што предизвикало пожар, поради што се урнал покривот, а концертната сала целосно изгорела.