Европа
Лавров: Одамна мина времето на зауздување на Русија
Продолжува линијата на воздржување на Русија, иако од таквата политика требаше одамна да се откаже и да замине во историјата, изјави во вторникот на рускиот министер за надворешни работи Сергеј Лавров истакнувајќи дека земјата во изминатата 2015 година играла клучна улога во светските настани, од вклучувањето во антитерористичката кампања во Сирија, посредувањето во долго очекуваните преговори меѓу сириската влада и опозиција, до нуклеарниот договор меѓу големите сили и Иран, но нејзината најсилна порака кон Западот дека не се согласува да биде казнувана поради својата независна надворешна политика.
„Продолжува инерцијата на обидите да се заузди Русија, иако таа таквата линија одамна требаше да биде ставена во архивите на историјата, продолжуваат обидите да се извлече еднострана полза и дури да бидеме казнети поради водење на независната надворешна политика (…) Подготвени сме на најконструктивна можна соработка со нашите западни партнери, вклучително и Европската унија и САД, но само и единствено на еднаква и двострано полезна основа, и под услов за меѓусебно немешање во внатрешните работи“, изјави шефот на руската дипломатија Сергеј Лавров на редовната голема прес-конференција во Москва која беше онлајн пренесувана.
Според Лавров, како резултат на доследниот курс на руската надворешна политика зајакнала свеста за неопходноста од широка соработка за излез од кризните ситуации.
„Напата конзистентна политика, заедно со акумулирањето на познатите трошоци на конфронтирачката политика на некои од нашите партнери, заедно со проширувањето на проблемите во светот придонесе во текот на изминатата година за зголемување на сфаќањето кај сите во меѓународната заедница за безалтернативноста на широката соработка за заедничко барање излези од кризните ситуации“, рече Лавров истовремено признавајќи дека тоа „не е процес кој брзо се развива“.
Лавров го повтори руското спротиставување на американскиот противракетен штит на границите на Русија и ширењето на НАТО сé поблиску до руските граници, оценувајќи ја таквата политика како „дестабилизирачка и кусогледа“,
За мигрантската криза во Европската унија, Лавров изјави дека Русија е свесна за димензиите на кризата со којашто Унијата се соочува, истакнувајќи дека Москва е заинтересирана за силна ЕУ, и изрази надеж дека таа, Германија успешно ќе ја надмине моменталната кризна. „Само обединета Европска унија може да биде добар партнер, но решението на кризата не смее да оди на штета на нејзините членки“, истакна Лавров.
Притоа не заборави да спомене дека ништо помал предизвик за Брисел не претставува ниту можното излекување на Велика Британија од Унијата. А што се однесува до односите со Лондон, потврди дека британската истрага за смртта на поранешниот руски разузнавач Александр Литвинеко која го обвинува рускиот државен врв, „сериозно ќе ги комплицира“ односите меѓу двете земји.
На темата миграции, Лавров јасно порача дека Москва нема да ги прими назад бегалците кои преку Русија пристигнале во Норвешка, појаснувајќи дека под изговорот за посета на роднини или барање работа Русија ја искористиле како транзитна рута кон Норвешка. „Тоа значи дека намерно лажеле за целта на посетата на Руската Федерација и оттаму не ги сакаме тие лица назад во Русија“, кусо одговори Лавров.
Неизбежна тема беа односите со Украина и договорите од Минск, а Лавров порача дека неговата земја во 2016 година ќе продолжи да инсистира на „строга имплементација“ на документите потпишани во белоруската престолнина ланскиот февруари. „Не се применети сите одредби, особено оние кои се однесуваат на Киев за воспоставување директен дијалог со регионите Донецк и Луганск“, истакна шефот на руската дипломатија.
Москва останува приврзана на „мирољубивото решавање на внатрешната украинска криза“, порача Лавров но повторно истакна дека САД и ЕУ ја продолжуваат „неконструктивната, опасна политика на обиди за зауздување на Русија“, во што спаѓа и „утврдувањето“ на НАТО.
Говорејќи за Украина како „несигурна“ транзитна зона за извозот на рускиот гас во Европа, Лавров во прв план ја истакна Германија со којашто, како што рече, Русија води „интензивен дијалог“ и со којашто нема криза во односите, и одлучно порача дека украинската криза „не претставува никаква пречка“ за соработка со Германија на енергетски план
Лавров јасно алудираше на новиот проект „Северен тек 2“ со Германија, за кој реагираат јужните и централни членки на ЕУ, особено Полска и Италија, кои се незадоволни од тоа што Москва се повлече од проектот „Јужен тек“ кој требаше нив да ги снабдува со гас, по несогласувањата со Европската комисија од изговорот на Брисел за диверзификација на енергетските извори, но којашто под истите услови го дозволува градењето на гасоводот со кој ќе се удвојат капацитетите за испорака на руски гас во Германија. „Предложениот проект на гасоводот со Германија, Северен тек 2, би бил од позла и за Русија и за Европа“, смета Лавров.
Во врска со Сирија, Лавров на вторничната прес-конференција изјави дека рускиот ангажман придонел за „пресврт на ситуацијата“ во оваа блискоисточна земја, како и дека станало јасно кој ги поддржува терористите, кој се бори против нив, а кој ги користи за „еднострани, егоистични цели“. „Акциите на руската воена авијација чувствително помогнаа ситуацијата во Сирија да добие пресврт“, рече челникот на руската дипломатија.
Порача, исто така, дека е невозможно да се постигне мировниот договор за Сирија, без учество на Курдите во преговарачкиот процес. „Би било нечесно и контрапродуктивно да се изостават сириските Куерди од учеството во мировните преговори“, рече Лавров и притоа некои од учесниците во мировниот процес, кои не сакат да преговараат, ги карактеризираше како „каприциозни“.
Лавров демантираше, на новинарско прашање, дека Москва од сирискиот претседател Башар ал-Асад побарала да отстапи од должноста и дека му понудила политички азил. „На двете прашања одговорот е – не. Тоа не е точно. Никој не побарал политички азил, никој ништо слично не нудел“, рече Лавров.
Во контекстот на актуелната тема за борбата против тероризмот, укажа на јакнењето на сунитската џихадистичка група Исламска држава во Авганистан и предупреди дека нејзините борци се обучуваат во областа на кањонот Панкиси во Грузија, во близина на руската гранита./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.