Европа
Лавров: ’Турскиот тек’ ќе ја зголеми енергетската сигурност на Европа
Во Европа во моментов се заинтересирани за новиот гасовод „Турски тек“ кој може да ја зголеми нејзината енергетска сигурност, заштитувајќи ги од проблемите при транзитот на гасот преку некои земји, смета рускиот министер за надворешни работи Сергеј Лавров кој на големата прес-конференција во средата во Москва посочи дека проектот Јужен тек е напуштен поради дискриминаторските ставови на Европската комисија, порачувајќи истовремено дека Русија нема да направи никаква отстапка кон Европската унија без целосното отстранување на санкциите против неа воведени поради нејзината наводна вмешаност во кризата во Украина.
„Го предлагаме алтернативниот (за Јужен тек) проект ткн Турски тек, и за него веќе пројавуваат интерес во Европа и во моментов се водат конкретни дискусии и дебати. Се надеваме дека тој ќе биде реализиран и ќе ја зајакне енергетската сигурност на Европа, осигурувајќи ја од проблеми со оние низ кои транзитира гасот“, изјави рускиот министер за надворешни работи Сергеј Лавров.
Челникот на руската дипломатија со тоа алудираше на проектот за гасоводот кој со заобиколувањето на Украина, всушност нуди непречено испорачување на рускиот природен гас имајќи ги предвид претходните две ткн „гасни војни“ во 2006 и 2009 година меѓу Киев и Москва поради украинското одбивање да ги прифати цените и руското обвинување за поткраднување на гасот наменет за европските корисници вклучително и најновата украинска криза од 2014-та. Русија задоволува околу 30 отсто од европските потреби од гас, а половина од тоа количество одеше преку Украина.
Лавров во средата уште еднаш јасно порача дека ситуацијата со проектот за гасоводот Јужен тек е дека тој е затворен, во прв ред за тоа обвинувајќи ја „дискриминаторските“ ставови на Европската комисија.
Европската унија, којашто ги залади односите со Русија поради нејзиното наводно вмешување во кризата во Украина, изнесуваше низа забелешки за гасоводот Јужен тек кој заобиколувајќи ја Украина требаше да минува под Црното Море и на територијата на ЕУ да влегува преку Бугарија. Брисел тврдеше дека овој проект проценет на 40 милијарди евра, во формата којашто беше понуден, ги кршел европските закони. Европската комисија претходно ја предупредуваше Бугарија да не продолжи со изградбата на Јужен тек, бидејќи проектот не бил усогласен со европските правила, вклучувајќи ја и легислативата позната како „Трет енергетски пакет“.
„Ситуацијата со Јужен тек е јасна: проектот е затворен, за жал, првенствено поради тоа што беше предмет на дискриминаторски однос од страна на Европската комисија“, изјави Лавров на прес-конференцијата во Москва.
За време на посетата на Турција на 1-ви декември, рускиот претседател Владимир Путин изјави дека проектот нема да продолжи и дека наместо тоа Русија ќе гради гасовод до Турција, наместо до Бугарија, која според него го попречила проектот.
Изградбата на новиот гасовод во Турција по дното на Црното Море беше најавена на 1-ви декември, за време на посетата на рускиот претседател Владимир Путин на Анкара. Новиот гасовод ќе биде изграден како замена за веќе напуштениот проект Јужен тек, за што Путин објави по разговорите со турската страна, како што рече, поради опструкциите и „неконструктивната позиција“ за негово градење од страна на Европската унија. Овој гасовод требаше, исто така, по дното на Црното Море да ја заобиколи Украина, и да излезе на копното во Бугарија, да минува низ Србија, Унгарија и Словенија до Австрија и Италија.
Веќе истиот ден „Газпром“ и турската компанија „Ботас“ потпишаа меморандум за разбирање за изградба на гасовод преку Црното Море со капацитет од 63 милијарди кубни гас годишно, исто како и Јужен тек. Од ова количество, 14 милијарди кубни метри гас ќе бидат наменети за Турција, којашто најверојатно добива и повластена цена, а другите 49 милијарди кубни метри руски гас ќе бидат пренасочени кон гасниот центар на границата меѓу Турција и Грција.
Во продолжение на споменатата средба со новинарите, Лавров одговарајќи на прашања изјави дека нема да „игра на еден гол“ во смисла на трговските отстапки од Европската унија. Истакна дека Русија не се откажува од дијалогот, но тој може да биде обновен само на рамноправна основа.
„Доколку ЕУ одлучи дека отсуството на нормален дијалог по прашања од разни сектори, енергетскиот, земјоделието и во други области, не е во ред, ние нема да се спориме. Мо доколку ЕУ (….) сака да ги задржи своите санкции a нас да нé убедува да направиме некои исклучоци од мерките за заштитана на нашите земјоделски производители, особено од аспект на можноста за нивно кредитирање од руските банки, ние нема да играме на еден гол“, изјави Лавров на отчетната прес-конференција за постигнувањата на руската дипломатија во 2014 година.
Притоа шефот на руската дипломатија уверува дека половината земји од Европската унија се залагаат за укинувањето на санкциите против Русија.
„Знаеме дека во ЕУ има различни ставови. Во актуелниот миг, кога околу половината од земјите членки веќе почнуваат упорно да се залагаат за укинување на санкциите, покажува дека се носат такви одлуки врз основа на заемна одговорност, по инерција базирани на чекорите на американските партнери, потоа е многу тешко да се отфрлат“, оцени Лавров./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.
Европа
Првиот разузнавач на Германија: Русите се подготвени и за саботажа
Кинезите се активни во Германија во собирање информации за воената технологија, изјави за „Дојче веле“, Томас Халденванг, претседател на Сојузната канцеларија за заштита на Уставот, домашната разузнавачка служба на Германија.
Халденванг зборуваше за апсењето тројца германски државјани поради сомнение дека на Кинезите им откриле информации за нови технологии, кои може да се користат за воени цели.
„Ова е случај од особено значење. Се занимаваме со проширување на активностите, се работи за знаење за производство на оружје“, додаде тој.
Халденванг разговараше за „Дојче веле“ пред новото апсење во врска со наводното кинеско шпионирање. Во вторникот вечерта, помошник на европскиот претставник на Алтернатива за Германија (AfD) беше уапсен во Дрезден за давање информации на Кинезите.
Тоа беше само продолжение на шпионските игри во последно време. Претходно, двајца руско-германски државјани беа уапсени во Баварија под сомнение дека снимиле американски воени бази во Германија и подготвувале напад.
„Со години забележуваме дека Русија има развиено големи активности овде во Германија“, вели Халденванг. „Уште пред војната во Украина реков дека заканата е слична на онаа од времето на Студената војна“.
„Се разбира, сè беше интензивирано со рускиот напад врз Украина и мораме да разбереме дека Русија се занимава со шпионажа, сајбер-шпионажа, операции за влијание, дезинформации“, продолжи првиот човек на германската разузнавачка служба.
Според него, Германија е особено нападната како важен играч во воената и политичката поддршка за Украина. Украинските војници се обучуваат и во Германија.
Халденванг рече дека во екстремен случај рускиот репертоар вклучува саботажа. „Може да се смета дека витален интерес на Москва е да ја спречи или попречи испораката на оружје за Украина. А земја што е подготвена да води војна со најбрутални средства сигурно нема да се оддалечи од саботажа. Така и ние во Германија мораме да бидеме подготвени за тоа сценарио“.
Како што наведе, германските служби се во состојба на готовност и веќе на почетокот на војната во Украина прогласиле „голем број руски агенти“ за непожелни, што ги „ослабнало можностите на руските служби во Германија“.
Како што додаде Томас Халденванг за „Дојче вече“, исламистички групи и поединци се на радарот на службата поради можни терористички напади. Особено што летово претстојат два големи спортски настана: Европското фудбалско првенство во Германија и Олимписките игри во Париз.
„И на тоа поле нивото на закана е високо. Во моментот, иако не се познати конкретни планови за напад, апстрактната опасност е исклучително висока“, додаде тој.
Тој изјави дека особено Исламската држава Корасан, активна во Авганистан и Пакистан, се залага за голем, спектакуларен напад.
„Можеме да замислиме разни сценарија. Едно многу опасно е, на пример, тимови на напаѓачи да доаѓаат во Германија, можеби некои веќе дошле, а потоа да извршат напад како група“, рече Халденванг.
Други сценарија вклучуваат радикализација на поединци, додаде тој. Како една од новите причини за радикализација тој ги наведе ситуацијата во Појасот Газа и пропагандата на исламистичките групи, кои поттикнуваат поединци да вршат напади.
Европа
Евакуиран хотел во Рим поради отровни испарувања од базенот: пет лица отруени, затворени и околните улици
Најмалку пет лица се повредени во хотел во центарот на Рим кога дошло до испуштање штетни испарувања од базенот. Наредена е итна евакуација на сите присутни гости и вработени.
Според италијанските медиуми, повредените се во болница, а едно лице е во многу тешка состојба.
Повредени се вработените во хотелот, а најмалку 35 лица се евакуирани.
Во моментот кога алармот се вклучил, во хотелот имало само неколку туристи, кои биле на појадок.
Отровни испарувања доаѓале од бањата и велнес-центарот на долниот кат од хотелот, а се сомневаат дека се од базенот.
Полицијата го обезбедувала и просторот во непосредна близина на хотелот, а поради отровните испарувања, биле затворени околните улици.