Европа
Лавров: Во Берлин постигнат само консензус за доставување на хуманитарната помош
Шефовите на дипломатиите на Германија, Франција и Украина, постигнаа консензус за испорака на конвојот со хуманитарната помош во југоисточна Украина, изјави во понеделникот рускито министер за надворешни работи, Сергеј Лавров сумирајќи ги четиристраните разговори водени вечерта и ноќта кон понеделникот во германската престолнина Берлин, но истакна и дека не е постигнат напредок околу примирјето или политичкото решение на конфликтот.
Шефовите на дипломатиите на Германија, Франција и Украина, постигнаа консензус за испорака на конвојот со хуманитарната помош во југоисточна Украина, изјави во понеделникот рускито министер за надворешни работи, Сергеј Лавров сумирајќи ги четиристраните разговори водени вечерта и ноќта кон понеделникот во германската престолнина Берлин, но истакна и дека не е постигнат напредок околу примирјето или политичкото решение на конфликтот.
„За голем број области за кои долго време водиме разговори е постигнат определен прогрес, во прв ред, тоа се однесува на конечното постигнување консензус во пола на доставувањето хуманитарна помош за населението во југоисточна Украина. Констатиравме, притоа, дека кога станува збор за руската иницијатива за испраќање на 300 камиони со хуманитарна помош, на крајот, сите прашања кои вештачки беа поставени, се повлечени. Сé е усогласено со украинската страна и со Меѓународниот комитет на Црвениот крст. Се надевам дека таа помош наскоро ќе може да дојде до оние кои имаат потреба од неа“, изјави во понеделникот за медиумите рускито министер за надворешни работи, Сергеј Лавров.
„Меѓутоа, не можеме да известиме за позитивни резултати околу постигнувањето примирје, ниту решавањето на политичкиот процес. Го потврдивме нашиот став дека примирјето во југоисточна Украина треба да биде безусловно. Но нашите украински колеги продолжуваат на несреќа да поставуваат услови кои сé повеќе се нејасни, како на пример да се обезбеди непроодност на границата меѓу Русија и Украина“, изјави во Берлин Лавров.
Шефот на руската дипломатија истакна дека Мосвка нема ништо против амбициите на Киев да воспостави контрола на режимот на преминување на меѓусебната граница за тоа да се направи што поефикасно. Киев претходно предупреди дека ќе бидат потребни долги разговори „за излегување од ситуацијата статус кво“.
Шефовите на дипломатиите на четирите земји разговараа за „ситуацијата во Украина во сите нејзини видови посветувајќи им особено внимание на задачите со кои се сака да се прекинат воените дејствија и да се создадат услови за што побрз почетокот на процесот на политичко решение“, соопшти претходно руското министерство за надворешни работи.
По завршувањето на средбата, германскиот министер за надворешни работи Франк-Валтер Штајнмаер изјави дека таа била „тешка“, но дека е постигнат „извесен напредок“. „Беа тоа тешки разговори, но верувам и се надева дека остваривме напредок во врска со некои прашања“, изјави Штајнмаер по петчасовниот разговор.
„Ние, како што се договоривме, прво ќе ги известиме нашите претседатели на влади и на држави во нашите престолнини, а потоа во понеделник или во вторник ќе се договориме како ќе ги продолжиме сегашните разговори. Целта и натаму е да се постигне примирје во Украина и да се спречат натамошни жртви“, порача Штајнмаер што се совпаѓа со изјавата на Лавров дека разговорите од неделата ќе бидат продолжени многу скоро. /крај/мф/сн
Извор: AFP/РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.