Европа
Летонија тврди дека претседателството со ЕУ нема да биде „анти-руско“
Летонија, која го презема шестмесечното претседателство со Европската унија (ЕУ) на 1-ви јануари, ќе се обиде да ги надмине стереотипите и да ја убеди Москва дека нејзините намери не се „анти-руски“, изјавил шефот на летонската дипломатија Едгарс Ринкевичс во средата, пишува EurActiv.
Ринкевичс потврдил дека кризата во Украина ќе доминира во претседателството на Летонија, и дека Рига ќе направи напори за изнаоѓање на политичко решение за оваа криза, односно „не само да се зборува, туку и да се имплементира“.
Летонскиот министер изјавил дека има добри очекувања од претстојниот самит кој ќе се одржи под покровителство на казахстанскиот претседател Нурсултан Назарбаев во Астана на 15 јануари, а на кој ќе присуствуваат рускиот претседател Владимир Путин, украинскиот претседател Петро Порошенко, германската канцеларка Ангела Меркел и францускиот претседател Франсоа Оланд.
Ринкевичс исто така најавил дека на 12-ти јануари ќе ја посети Русија, каде ќе има разговори со својот руски колега Сергеј Лавров и дека главната цел ќе биде „да се најдат нови начини за дискусии околу Источното партнерство“, како и тоа „да се надминат стереотипите дека ова претседателство ќе биде анти-руско“.
Летонскиот министер потенцирал дека Летонија ќе се обиде да имплементира „индивидуален пристап“ за земјите од Источното партнерство, нагласувајќи ги случаите со Ерменија и Азербејџан.
Во однос на западните санкции против Москва, Ринкевичс изјавил дека тие биле ефективни, и дека кон ова помогнале и паѓањето на цените на нафтата и вредноста на рубљата, и дека оваа новонастаната состојба „претставува шанса што треба да се искористи“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.