Европа
Лондон тврди дека Камерон и Туск се договориле за условите за социјалната помош
Велика Британија и Европската унија се договориле за условите за активирање на „сопирачката во итни ситуации“ со кои на четири години може да им се ускратат правата на имигрантите од ЕУ во Британија на социјален надомест, но останале уште многу нешта на што треба да се работи во преговорите за другите реформи, објави ноќта кон понеделникот утрото кабинетот на британскиот премиер Дејвид Камерон по неговиот разговор со претседателот на Европскиот совет, Доналд Туск.
„Кога станува збор за другите социјални надоместоци, Европската комисија го изнесе предлогот кој појаснува дека моменталните услови во Велика Британија ги исполнуваат критериумите за повлекување на сопирачката во итните ситуации. Ова е значаен момент, кој значи дека премиерот може да ја оствари својата обврска на четири години да се одложат надоместоците за имигрантите кои доаѓаат од ЕУ“, изјави портпаролот на британскиот премиер.
За состанокот со британскиот премиер Дејвид Камерон, првиот човек на Европскиот совет Доналд Туска во неделата доцна вечерта извести на својот Twitter. „Нема договор. Интензивните разговори продолжуваат во следните 24 часа. Доколку постигнеме напредок, предлогот на членките на ЕУ ќе им го изнесам утре (понеделник)“, напиша Туск.
Пред работната вечера со британскиот премиер, Туск изјави дека ќе изнесе решенија за четирите барања коишто ги формулираше Камерон пред да го распише референдумот, кој го вети до крајот на 2017 година, на кој Британците би требало да се изјаснат дали сакаат нивната земја да остане или да излезе од Европската унија. Туск притоа истакна дека нема да има компромис кога станува збор за темелните слободи. Британските барања се однесуваат на конкурентноста, суверенитетот, социјалната сигурност и управувањето со економијата.
Камерон изјави дека е постигнат напредок во преговорите по неговиот состанок со претседателот на Европската комисија, Жан-Клод Јункер, во петокот во Брисел, меѓутоа предупреди дека предлозите на ЕУ на неговите барања „сé уште не се доволно добри“.
Лондон постави четири барања реформи како услов за останувањето на Велика Британија во 28-члената Унија: да не се дискриминираат земјите кои не се членки на еврозоната, да се стави акцент на конкурентноста, да се обнови суверенитетот на земјите членки (на пример, со воведување на правото на националните парламенти на вето) и ограничувањето на доселувањето од новите земјите членки и од Европа.
Камерон сака да воведе четиригодишен мораториум пред секоја исплата на социјална помош на имигрантите од земјите членки на ЕУ кои доаѓаат да работат во Велика Британија, но ова барање, оценето како дискриминаторско, е во спротивност со слободата на движењето на луѓето и стоките, што се смета за една од основните придобивки и основни начела на ЕУ.
Британскиот премиер вети дека повторно ќе преговара за условите за британското останување во ЕУ пред одржувањето на референдумот до крајот на 2017 година. Но се шпекулира дека тој може да се одржи уште во текот на 2016-та, поточно во јуни, доколку Камерон постигне задоволителен договор на самитот со европските челници на 18-ти и 19-ти февруари, но извор близок на британската влада вели дека Камерон нема намера да брза да постигне договор./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.