Европа
Лондонци протестираа против бомбардирањето во Сирија и Ирак
Неколку стотици луѓе учествуваа на протесниот марш во саботата попладнето во центарот на британската престолнина Лондон кој заврши пред резиденцијата на премиерот Дејвид Камерон против бомбардирањето од страна на коалицијата предводена од САД врз позициите на џихадистите од Исламската држава на териториите на Сирија и на Ирак.
Неколку стотици луѓе учествуваа на протесниот марш во саботата попладнето во центарот на британската престолнина Лондон кој заврши пред резиденцијата на премиерот Дејвид Камерон против бомбардирањето од страна на коалицијата предводена од САД врз позициите на џихадистите од Исламската држава на териториите на Сирија и на Ирак.
Протестот беше организиран од коалицијата на невладини организации Stop the War Coalition, којашто во 2003 година изведуваше слични акции против американско-британската инвазија во Ирак.
Организаторите на протестот изјавија дека тие сочувствуваат со семејството и блиските на Алан Хенинг, британскиот заложник од чиешто обезглавување од страна на припадници на Исламската држава претходно во саботата на интернет беше поставено видео чиишто позиции ги бомбардира и британското Кралско воздухопловство. Меѓутоа, тие сметаат дека бомбардирањата нема да придонесат да се победи екстремната терористичка организација и само ќе ја усложнат ситуацијата на Блискиот исток.
Во поддршка на протестот истапија и редица познати личности, како актерот Расел Бренд, музичарот Брајан Ино,новинарот Шејмас Милн.
„Бомбардирањето нема да постигне ништо, тоа само ќе ја влоши ситуацијата. По бомбардирањата следува вклучување на копнените сили. Тоа ќе ја направи состојбата уште полоша. Таквите операции секогаш доведуваат до влошување на ситуацијата. На тоа нé учи минатото“, изјави актерот Расел Бренд, пренесуваат британските медиуми.
Пред една седмица британскиот парламент ја изгласа резолуцијата со којашто се одобрува бомбардирањето на позициите на терористичката организација Исламска држава во Ирак. Резолуцијата, сепак, не овозможува ракетни или воздушни удари на британските сили врз позиции на џихадистите во Сирија, ниту ангажирање на копнени трупи во зоната на конфликтот. Доколку британската влада одлучи дека треба да се започне со напади врз Исламската држава во Сирија, тогаш ќе мора да има ново гласање во парламентот.
Истовремено, британските воени ветерани повикуваат да се прошират воздушните удари и врз сириската територија, па дури и во борбата против исламистите да бидат вклучени и копнените војски. Британскиот министер за одбрана Мајкл Фелон, исто така, не ја исклучи можноста британската авијација да преземе напади не само во Ирак, туку во Сирија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.