Европа
Лукашенко: Кој не сака да работи ќе плати 300 евра
Белорускиот претседател, Александар Лукаженко воведе `данок на невработеност` во износ од 300 евра за секој кој е невработен подолго од шест месеци.
За да ги мотивира своите луѓе, побрзо да најдат работа, Лукашенко го потпиша указот за „спречување на социјална зависност“, пишува Moscow Times.
Целта на указот е да ги поттикне луѓето да се вклучат во работните активности и на тој начин да учествуваат во финансирањето на државните расходи.
Документот пропишува дека граѓаните, странските државјани и лицата без државјанство со постојан престој во Белорусија, кои не учествуваат во финансирањето на јавната потрошувачка или во нејзината потрошуваќка учествуваат помалку од 183 календарски дена за време на пресметката на данчониот приход (фискална година) се обврзани да платат 300 евра.
Воведувајќи „данок на невработенсот“, Лукашенко го враќа терминот „социјален паразитизам“ од социјалимот, а се со цел да се казнат оние кои не сакаат да работат.
Од овој данок се ослободени младите под 18 години, работно неспособните, инвалидите, жените над 55 и мажите над 60 години.
Противниците на ваквата одлука собираат потписи, сметајќи дека државата треба да им обезбеди услови за работа, а не да ги тера на принудна работа која, како што сметаат може да ја нареди само суд.
Белорусија се бореше да пронајде доволно работници за да ги пополни работните места, а колкав проблем имаше со помалку вработени, покажува фактот дека во 2012 година воведоа мерки во некои сектори, каде не му се дозволува на работникот да го напушти своето работно место./крај/б/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.