Европа
Македонија дел од кампањата Vote Leave за британскиот референдум за ЕУ
Македонија и неколку балкански земји се дел од кампањата Vote Leave за британскиот референдум за напуштањето на Европската унија (ЕУ), кој ќе се одржи на 23-ти јуни.
Според поддржувачите на оваа кампања, која се залага за тоа Велика Британија да ја напушти ЕУ, Обединетото Кралство годишно за земјите од Западен Балкан плаќа по 170 милиони фунти, за тие да можат да станат дел од европското семејство.
„Министерката за внатрешни работи Тереза Меј предупреди на членството на Албанија, Македонија, Црна Гора, Србија и Турција во ЕУ, велејќи дека ова се `земји со сиромашно население и сериозни проблеми со организираниот криминал, корупцијата и понекогаш тероризмот`. И покрај ова, позицијата на Владата е да го поддржи членството на овие земји. Британската Влада се согласи во рамките на Инструментот за претпристапна помош (ИПА) на овие земји да им плати 1.2 милијарди фунти во периодот помеѓу 2014-та и 2020-та година“, велат претставниците на оваа кампања.
Инаку, оваа кампањa е поддржана од страна на три британски евроскептични групи, односно Business for Britain, Labour Leave и Conservatives for Britain, а меѓу звучните имиња на тие коишто ја поддржуваат е и поранешниот градоначалник на Лондон, Борис Џонсон./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.