Европа
Медиуми: Brexit-от може да биде одложен до 2019-та
Вистинското излегување на Велика Британија од Европската унија би можело да биде одложено до крајот на 2019 година поради тешкотиите со кои коишто се соочува британската администрација, како и поради изборите во Франција и во Германија, пишува во неделата The Sunday Times.
Владата на британската премиерка Тереза Меј извести дека има намера да се повика на членот 50 од Лисабонскиот договор за Европската унија на почетокот од 2017 година. Примената на членот го отвора периодот од двегодишните преговори, по што конкретната земја ја напушта ЕУ. Доколку членот се промени на почетокот од 2017 година, вистинското излегување на Обединетото Кралство од Европска унија ќе биде на почетокот од 2019 година, коментира AFP.
Меѓутоа, The Sunday Times пишува дека британските министри ги предупредиле високите функционери на финансискиот сектор во лондонски Сити дека примената на членот 50 може да се оствари дури кон крајот на 2017 година, што реализирањето на стварното излегување од ЕУ би го одложило дури кон крајот на 2019 година.
„Министрите сметаат дека примената на членот може да се одложи до есента 2017 година“, рекол за The Sunday Times извор од Сити кој тврди дека за тоа разговарал со двајца министри.
„Тие едноставно немаат инфраструктура за луѓето коишто би требало да ги ангажираат на ова прашање… Велат и дека не знаат кои прашања би требало да се постават кога конечно ќе почнат преговорите со ЕУ“, рекол соговорникот на весникот.
И неименуван член на британскиот владин кабинет за весникот рекол дека „извесна пречка“ претставува и изборниот календар во Франција и во Германија. Двата круга од француските претседателски избори ќе се одржат на 23-ти април и на 7-ми мај 2017 година, а сојузните избори во Германија во есента истата година.
По референдумот од 23-ти јуни на кои Британците со мнозинство се изјаснија Велика Британија да ја напушти ЕУ, премиерката Тереза Меј, којашто го наследни на функцијата Дејвид Камерон, формираше министерство задолжено за преговорите за излегувањето. Меѓутоа, неговиот министер Дејвид Дејвис досега успеал да ангажира само половина од потребниот персонал./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.