Европа
Медиуми: IS има притаени ќелии во Европа
Притаени ќелии на терористичката организација Исламска држава (IS) постојат во неколку држави во Европа, подготвени да стапат во акција веднаш откако за тоа ќе добијат инструкции, објави во понеделникот норвешкиот јавен сервис NRK цитирајќи поранешен припадник на џихадистите, кој ја напуштил групацијата пред неколку месеци.
„Ќелиите очекуваат наредба и станува збор за повеќе од една група“, изјавил соговорникот на NRK кој зборувал под услов да остане анонимен, а интервјуто го дал во Турција.Според него, не е неопходно за да се биде член на овие ќелии да се учествувало како борец во редовите на Исламската држава, туку меѓу припадниците на ќелиите има и лица кои никогаш не престојувале во областите на судирите.Според новинарите кои го правеле интервјуто, нивниот соговорник претходно престојувал во сирискиот град Рака, кој се смета за главното упориште на Исламската држава. Таму сега поранешниот припадник на џихадистичкото движење се запознал со методите на дејствување на екстремистите и за постоењето на ќелиите, за што инаку досега не постоеја медиумски или разузнавачки извештаи. Тој, исто така, вели дека учествувал во егзекуциите по кои е препознатливо ова радикално движење, но сѐ додека не почнал да сфаќа колку далеку во поглед на бруталноста тоа дошло. Пред неколку месеци тој ги напуштил редовите на Исламската држава и се притаил во Турција.Од норвешката безбедносна полиција PST, коментирајќи го сведоштвото на поранешниот милитант искажано за NRK, изјавиле дека во секој случај постојат причини за следење на одделни лица во Норвешка.Според поранешниот припадник на Исламската држава, членови на оваа група има и во Шведска. „Ми се јави пријател кој ми кажа дека му се заканувале од името на Исламската држава во Шведска“, изјавил поранешниот борец во Сирија за NRK.Од шведската безбедносна агенција SAPO, коментирајќи ги за шведската телевизија SVT медиумските извештаи од соседна Норвешка, не одговориле директно на прашањето дали има сознанија за постоење прикриени терористички ќелии во Шведска. „Насилно настроениот исламски екстремизам претставува проблем како за северните, така и за европските земји, и ние водиме активна меѓународна соработка и размена на информации“, изјавил за SVT , портпаролот за односи со јавноста на SAPO, Фредрик Милдер.Според него, вознемиреност предизвикува „исклучително големиот број Швеѓани кои заминуваат во области во Сирија и во Ирак, и тоа што некои од нив може да се вратат во Шведска со радикализирани намери и обучени за извршување терористички акти“./крај/мф/сн
Извор: NRK
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.