Европа
Меѓу жртвите во Ница има блиски на настрадани во париските атентати
Некои од настраданите во терористичките џихадистички напади од ланскиот 13-ти ноември во француската престолнина Париз ги загубиле своите блиски во нападот во Ница, во кој во четвртокот ноќта загинаа најмалку 84 луѓе а уште педесетина се во критична состојба објави во петокот здружението Life for Paris.
Вечерта на 13-ти ноември 2015 година три координирани групи терористи извршија серија напади во централното подрачје на Париз и неговото предградие Сен Дени. Во овој напад беа убиени 130 луѓе, а повеќе до 350 беа ранети.
„Ова е уште еден мал доказ за ужасот. Она, од што стравуваме, се случи. Ново масовно убиство (…) некои од настраданите веќе знаат дека ги загубиле своите блиски“, го цитира телевизијата BFM TV соопштението на една од заложниците на париската концертна сала „Батаклан“ и претседателка на здружението Life for Paris, Каролин Лангланд.
Во една анкета од февруари годинава, 64 отсто од Французите изјавиле оти сметат дека имигрантите од Африка и Блискиот исток негативно влијаат врз стапката на криминалот во земјата. Покрај тоа, голем дел од испитаниците – 67 проценти, сметале дека владата и медиумите необјективно ги претставуваат информациите за криминалитетот кај доселениците.
Напаѓачот од четвртокот вечерта во Ница е идентификуван како 31-годишниот Мухамед Ла(х)уеџа Бу(х)лел, по потекло до Тунис, од градот Мсакена, десетина километри од градот Сус, каде што минатата година џихадистите извршија смртоносен напад врз туристи во хотелски комплекс при што беа убиени триесетина странци.
Возачот на камион, кој последен пат го посетил пред четири години, според туниските разузнавачки служби, се залета во толпа луѓе кои ги следеа огнометот на познатото Англиско шеталиште во Ница по повод националниот празник Денот нападот на Бастилја, при што уби најмалку 84 лица, меѓу кои многу деца.
Булел бил оженет и татко на три деца. На француските власти им бил познат по прекршоци и како насилник, но не бил доведуван во поврзаност со радикали. И на туниските власти не им бил познат по радикални и исламистички ставови, изјави во петокот зизвор од туниските безбедносни структури./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Италија, почувствуван и во Словенија и Хрватска
Европско-медитеранскиот сеизмолошки центар (EMSC) соопшти дека вечерва во 22 часот и 20 минути, северниот дел на Италија е погоден од земјотрес со јачина од 5,0 степени според Рихтеровата скала.
Епицентарот на земјотресот бил на 13 километри од градот Толмецо.
Според првите податоци, земјотресот се случил на длабочина од 10 километри.
Се почувствува и во соседните земји, вклучително и Словенија и дел од Хрватска, пишуваат хрватските медиуми.
Европа
Бројот на жртвите во терористичкиот напад во Москва се искачи на 143
Руското Министерство за вонредни ситуации денеска соопшти дека бројот на загинати во терористичкиот напад на Crocus City Hall во предградието на Москва се искачи на 143.
Како што соопшти претходно денеска Рускиот истражен комитет, веќе се идентификувани телата на 84 жртви. Меѓу нив има пет деца на возраст од девет до 16 години.
Нападот на концертната сала Crocus City Hall во Красногорск кај Москва се случи во петокот вечерта, кога неколку вооружени терористи во маскирни униформи влегоа во објектот и отворија оган врз присутните.
Тие активирале експлозивни направи на повеќе места, што предизвикало пожар, поради што се урнал покривот, а концертната сала целосно изгорела.
Европа
Украинците погодија четири руски бродови во жесток ракетен напад
Во неделата, Украинците ја нападнаа руската Црноморска флота во Севастопол, во окупираниот Крим. Соработник на Форбс дава детална анализа на воениот потфат и последиците за двете страни. Првично беше кажано дека биле погодени два руски брода, но ажурираниот извештај на украинските власти вели дека во нападот биле погодени четири брода – со крстосувачки ракети „Storm Shadow“ или „SCALP-EG“, или можеби со ракети Neptune.
Меѓу оштетените пловни објекти, наводно, има два активни амфибиски брода од класата Ропуча, Јамал и Азов, како и неактивен јуришен десантен брод од истата класа по име Костијантин Олшански, кој Русија го заплени од Украина за време на инвазијата на Крим во 2014 година. Четвртиот оштетен брод е разузнавачкиот „Иван Хурс“, кој преживеа напад од беспилотни летала на украинската морнарица пред 10 месеци.
Иако сателитските снимки на Севастопол се чини дека потврдуваат оштетување на неколку бродови, тие не даваат докази за очигледното потонување на ниту еден од нив. Можно е сите четири брода да бидат поправени.
Сепак, овој напад барем привремено ја намали – за околу 15 проценти – црноморската флота, која пред војната броеше околу десетина десантни бродови. Пред една година, кога рускиот гарнизон во јужна Украина беше значително зависен од поморските комуникациски линии за транспорт на муниција до бригадите и полковите на фронтот, ова ќе беше огромен проблем за Кремљ.
Satellite images of all four project 775 ropucha-class landing ships in Sevastopol.
Near one of the ships, a trace of an impact on the pier is visible. Another ship is being towed into the dry dock. But on the satellite images provided, no significant damage to the ships is… https://t.co/wBcb5yWhJb pic.twitter.com/ThIJI1Fwvj— Special Kherson Cat 🐈🇺🇦 (@bayraktar_1love) March 24, 2024
Сепак, руските инженери неодамна ја завршија новата железничка рута меѓу Ростов во јужна Русија и Мариупол во окупирана јужна Украина, што значи дека повеќе нема потреба од транспорт на опрема по морски пат до руските војници на јужниот фронт. Железниците се релативно лесни за поправка и потешко се запираат од бродовите.
Тоа значи дека нападите врз руските десантни бродови не се толку проблематични за Москва како што беа порано. Меѓутоа, ако треба да изберат дали ќе ги уништат и оштетат руските бродови или не, Украинците природно ќе го претпочитаат првото.
Во две години жестоки борби, Украинците оштетија или потопија (со проектили или експлозивни поморски беспилотни летала) седум активни десантни пловила од класата Ропуча и еден десантен брод од класата Тапир. Уништија и еден крстосувач, подморница, брод за снабдување, неколку патролни чамци и две ракетни корвети, а оштетија и еден шпионски брод. Пред почетокот на војната, Црноморската флота броела околу триесет големи бродови.
Со ова темпо, црноморската флота би можела да стане нефункционална во следните 18 месеци до две години. Пошироката руска морнарица не може да направи многу за да го запре падот на флотата, бидејќи не може да се засили со големи бродови.
Големите бродови кои не можат да се движат по копно или реки мора да влезат во Црното Море преку Босфорот, кој е под контрола на Турција.
Таа земја не дозволува завојуваните страни да го користат преминот во време на војна.