Европа
Меркел: Европските санкции против Русија беа неизбежни
Одлуката на Европската унија да воведе широко санкции против Русија беше „неизбежна“ поради руските постапки во Украина и сега следниот чекор е на Москва, изјави во вторникот доцна вечерта германската канцеларка Ангела Меркел.
Eвропската унија првпат воведе санкции за руските нафтени компании, банките и воените претпријатија. Тоа е досега најсилната меѓународна реакција против Русија којашто Западот ја обвинува дека ги помага проруските бунтовници кои не ја признаваат легитимноста на прозападните власти во Киев кои дојдоа на власт со соборувањето на претседателот Виктор Јанукович, што Москва одлучно го негира, заклучува Reuters.„Затоа денешната одлука беше неизбежна“, се вели во писмената изјава на германската канцеларка Ангела Меркел. Канцеларката во соопштението ги повикува руските власти да се насочат кон смирувањето на тензиите и соработката во решавањето на судирите во Украина, заканувајќи се притоа дека во спротивно се можни нови мерки, односно санкции.И холандскиот министер за надворешни работи Франс Тимерманс изјави дека европските санкции ќе имаат „далекосежни и директни ефекти“. Тие санкции ќе испратат силен сигнал на Москва „дека е на погрешен пат“, изјави шефот на холандската дипломатија во текот на расправата за падот на малезискиот патнички авион во источна Украина, при што загинаа 298 луѓе, од кои најголемиот број холандски државјани. Економските санкции за кои начелен договор постигнаа амбасадорите членки на ЕУ во вторникот навечер „претставуваат силно предупредување за Москва“, но можат да бидат укинат доколку Русија престане да ја дестабилизира Украина, изјави претседателот на Европскиот совет, Херман ван Ромпуј, пренесува AFP. „Денеска усвоените санкции се силен сигнал за челништвото на Руската Федерација: руската економија ќе плати голема цена за дестабилизацијата на Украина или која и да е соседна земја“, се наведува во соопштението на ван Ромпуј издадено во Брисел во вторникот доцна навечер. Земјите членки на Европската унија постигнаа во вторникот договор за економските санкции против Русија кои повторно ќе бидат разгледани по тримесечен период, а особено тие се насочени, како што притискаше Вашингтон, на финансискиот сектор, односно пристапот на руските банки до финансиските пазари, чувствителната технологии, соработката во областа на одбраната и производите за двојна намена, како и енергетскиот сектор, според дипломатски извори од Брисел.Станува збор за првата голеам низа економски санкции против Русија чија цел е да се натера рускиот претседател Владимир Путин да престане со поддршката на компаниите кои ја дестабилизираат Украина, како што тврдат САД и ЕУ. Брисел одлучи да ја блокира активата на четири бизнисмени кои ги смета блиски на Путин, обвинети дека имаат позла од присоединувањето на Крим на Руската Федерација, што Западот го смета за руска анексија на украинска територија непризнавајќи го референдумот на тамошното мнозинско руско и рускојазично население, или активно ја поткрепувале дестабилизацијата на Украина, а нивните имиња ќе бидат објавени во среда. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.