Контакт

Европа

Меркел го врзува укинувањето на санкциите за Русија со целосно спроведувње на договорот од Минск

Објавено пред

Германската канцеларка Ангела Меркел изјави во четвртокот дека санкциите на Европската унија против Русија за нејзината наводна интервенција во Украина може да бидат укинати само доколку во целост биде спроведен договорот од 5-ти септември постигнат во белоруската престолнина Минск меѓу Киев и рускојазичните бунтовници од источните региони од земјата.

dobivaj vesti na viber

Германската канцеларка Ангела Меркел покажа поцврст став отколку највисоките челници на нејзиниот коалиционен партнер социјалдемократите од SPD и европските лидери како францускиот претседател Франсоа Оланд, оценува агенцијата Reuters.

Имено загрижени за последиците што од меѓусебните санкции како руската економија така и економијата на членките на Европската унија, тие навестија дека напредокот во спроведувањето на ткн протоколи од Минск, а не целосното спроведување би било доволно да се разгледа попуштањето на санкциите.

„Севкупниот договор од Минск мора да биде спроведе пред да можеме да кажеме дека тие санкции може да бидат укинати“, изјави Меркел на заедничката прес-конференција во Берлин со украинскиот премиер Арсениј Јаценјук.

Директно го исклучи постепеното ублажување на санкциите врз основа на напредок во спроведувањето на 12-те точки од мировниот договор од Минск, кои вклучуваат прекин на огнот, набљудување на украинско-руската граница, создавање тампон зона меѓу завојуваните страни и повлекување на тешкото вооружување, како и ослободување на заробениците, за што ден пред средбата во Минск, објави рускиот претседател Владимир Путин по телефонскиот разговор со украинскиот колега Петро Пороенко.

Меркел изјави дека има „малку надеж“ дека би можел да биде укинат првиот круг од санкциите воведени како реакција откако црноморскиот полуостров Крим населен со големо мнозинство етнички Руси, во март 2014-та, откако во Киев по безредијата дојдоа на власт прозападните сили, преку референдум си ја поврати самостојноста и изгласа присоединување на Руската Федерација, што Западот го смета за нелегално руско анектирање на украинска територија. Според Меркел, тоа би барало поништување на „руската анексија“ на Крим, што е малку веројатно имајќи ја предвид и новогодишната порака на Путин во којашто, меѓу другото, нагласи дека полуостровот се „вратил во татковината“.

Политиачрите од SPD, пак, последните седмици даваат помирливи изјави во врска со односите и санкциите против Русија, а шефот на германската дипломатија, Франк-Валтер Штајнамер изрази загриженоста дека Русија би можела да биде дестабилизирана доколку не се ублажат санкциите на ЕУ.

Францускиот претседател Франсоа Оланд, пак, во понеделникот за француското јавно радио изјави дека мисли „оти санкциите сега мора да престанат. Мора да бидат укинати, доколку дојде до напредок“. Шефицата на европската дипломатија Федерика Могерини, исто така, во средата изјави дека постојат „некои ограничени“ знаци дека Русиај можеби го менува својот пристап.

Меркел, меѓутоа, според Reuters, јасно во четвртокот даде до знаење дека средбата на челниците на Украина, Русија, Франција и Германија, планиран за 15-ти јануари во казахстанската престолнина Астана, ќе се одржи само доколку дојде до напредок во остварувањето на мирот следните денови.

Меркел, исто така, ја пофали владата на украинскиот премиер Арсениј Јаценјук, кој инаку важи за поддржуван од Берлина, поради програмата за реформи, меѓу кои и штедењето во буџетот усвоена кон крајот на декември. Таквиот украински буџет е услов за исплата на пакетот помош од Меѓународниот монетарен фонд (ММФ) од вкупно 17 милијарди американски долари.

Јаценјук од своја страна изјави дека Москва „мора да стави крај на судирот во источна Украина“. Русија им испорачува оружје на терористите и ги крши клучните начела од договорот од Минск“, рече украинскиот премиер, пренесе агенцијата DPA. Истакна дека до напредок може да дојде „само доколку руските војници си заминат од Украина“.

Ваквите тврдења Москва решително ги негира, барајќи од Киев и од Западот со аргументи да ги поткрепат таквите тврдења, а особено Јанценјук го обвинува дека е експонент на струјата во Киев којашто се залага за воено решавање на украинскиот конфликт. Руската страна вели дека е „украински внатрешен“ и оти таа не е страна во судирот, а во преговорите за постигнување мир учествува како посредник./крај/мф/сн

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Голем руски напад врз Украина, Полска ги подигна борбените авиони

Објавено пред

Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.

dobivaj vesti na viber

„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.

Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.

Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.

Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.

Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.

Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.

„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.

Југоисточниот дел на Полска се граничи со Украина, додаде Ројтерс.

Прикажи повеќе...

Европа

Автобус повторно се преврте на автопат во Германија, патниците биле средношколци

Објавено пред

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.

dobivaj vesti na viber

Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.

Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.

Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.

Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.

Прикажи повеќе...

Европа

Украина се обидува да ја убеди Индија да застане на страната на Киев, а не на Москва

Објавено пред

Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.

dobivaj vesti na viber

Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.

Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.

Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.

Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.

Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.

Русија ја отфрли таа украинска дипломатска иницијатива.

Прикажи повеќе...

Најново

Регион27 минути

„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка

Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два...

Топ42 минути

Нападната и ограбена охриѓанка, со тешки повреди пренесена во болница

Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја...

Македонија60 минути

(Видео) Мицкоски: Коалицијата на ВМРО-ДПМНЕ „Твоја Македонија“ застанува зад бранот промени за стабилна и силна Македонија

Денес потпишавме Повелба за стратешко коалицирање и утврдување на принципите на идна работа на Коалицијата предводена од ВМРО-ДПМНЕ наречена „Твоја...

Топ3 часа

Тешка сообраќајна несреќа во Кичево – три млади лица го загубија животот, има и тешко повредени

Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски...

Македонија3 часа

Петровска: Судот донесе одлука дека Ковачки неправедно ме клеветел

Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки,...

Македонија4 часа

Притвор од 48 часа за две лица задржани по убиството на лекарот во Железара

Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје...

Регион5 часа

Почна нова детаљна потрага по Данка, пристигнаа спасувачки екипи со куче

Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во...

Регион6 часа

Силен земјотрес ја погоди Бугарија

Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ. Земјотресот е регистриран во 8:38 часот...

Европа6 часа

Автобус повторно се преврте на автопат во Германија, патниците биле средношколци

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа....

Свет6 часа

Израел ја нападна Сирија: „38 лица загинаа во Алепо, меѓу кои и членови на Хезболах“

Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското...

Европа6 часа

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија18 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија18 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија20 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија22 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија23 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија1 ден

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ1 ден

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија1 ден

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија1 ден

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...