Европа
Меркел и Јункер не сакаат во декларацијата да се споменува дека „западноблакнаската рута е затворена“
Германската канцеларка Ангела Меркел и претседателот на Европската комисија Жан-Клоид Јункер не се согласуваат си предлогот декларацијата на челниците на Европската унија кои се состануваат во понеделникот во Брисел да биде вметната реченицата дека ткн „западнобалканската (бегалска) рута е затворена“, тврдат повеќе дипломатски извори.
Пред почетокот на самитот ЕУ-Турција се одржуваат цела серија билатерални и мултилатерални состаноци. Досега веќе одвоено разговараа германската канцеларка Меркел, холандскиот премиер Марк Руте, претседателот на Европскиот совет Доналд Туск и на ЕК, Јункер.
Туск во своето писмо со покана до челниците на земјите членки на ЕУ истакнува дека во решавањето на кризата Унијата мора да го врати нормалното функционирање на шенгенскиот простор.
„Мораме да му се вратиме на Шенген. Земјите на западнобалканската рута, вклучително и оние надвор од ЕУ, се подготвени и решителни за целосно спроведување на нашите заеднички правила и одлуки, што го вклучува и Шенгенскиот законик“, се вели во писмото Турск испратено откако во рамките на подготовките на самитот ЕУ-Турција ги посети ги посети балканските земји, вклучително и Грција и Турција.
Туск додава дека тоа би значело крај на пропуштањата на бегалците и испраќањата во соседна земја. „Тоа самото посебе нема да ја реши кризата, но е неопходен предуслов за европски консензус. Во понеделникот сите би требало да го потврдиме тој пристап. Со тоа би ја затвориле западнобалканската рута, која беше влезна точка за 880.000 мигранти кои влегоа во текот на 2015-та и за 128.000 во првите два месеца од оваа година“, додава Туск./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.