Европа
Меркел ја одложи одлуката за нов мандат за почетокот на 2017-та
Германската канцеларка Ангела Меркел го одложила изјаснувањето за тоа дали ќе се кандидира за уште еден мандат за почетокот на следната 2017 година, објави весникот Der Spiegel во саботата наведувајќи извор од Христијанско-демократската унија (CDU).
Ова е веќе вторпат Ангела Меркел да ја одложува одлуката, што му дава време на челникот на нејзината сестринска партија баварското Христијанско-социјална унија (CSU) Хорст Зехофер да одлучи дали неговата партија ќе ја поддржи кандидатурата на актуелната канцеларка, се наведува во написот.
Меркел ја одложи објавата којашто првично беше планирана за почетокот на 2016 година, поради бегалската криза и тензиите со сестринската CSU. Таа на прес-конференцијата во јули изјави дека „правовремено“ ќе ја објави својата одлука.
Чекањето може да претставува проблем за Меркел, за која се очекува дека ќе се кандидира за уште еден двогодишен мандат на водечката позиција во CDU на партиската конвенција во декември, но тоа може да го стори само ако е и кандидат за канцелар.
Според Der Spiegel, во политичките кругови блиски на Меркел постои загриженоста дека објавувањето на кандидатурата без поддршка на Зехофер би можело политички да ѝ наштети.
Ралф Штегнер, потпретседател на Социјалдемократската партија (SPD) изјави за агенцијата DPA во саботата дека се чини оти „кандидатурата на Ангела Меркел виси на нишка, зависејќи од милоста на Хорст Зехофер“.
На канцеларската должност е од 2005 година, и во моментов Меркел во моментов ја предводи ткн големата коалициска влада со партијата од левиот центар SPD. Доколку освои уште еден мандат,би можела да го надмине досегашниот рекорд кој го постави Хелумт Кол, кој таа должност ја извршуваше 16 години./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.