Европа
Меркел нема да присуствува на конвенцијата на CSU
Германската канцеларка Ангела Меркел, којашто е челник на Христијанско-демократската унија (CDU) нема да присуствува на конвенцијата на баварската сестринска партија Христијанско-социјалната унија (CSU) соопштија во саботата извори во помалиот баварски партнер во Унијата CDU/CSU по повеќемесечниот спор околу нејзината политика кон бегалската криза.
Канцеларката Ангела Меркел и баварскиот челник Хорст Зехофер седоговорилево петокот дека челничката на сестринската партија нема да присуствува на конвенцијата на CSU во Минхен, којашто ќе започне кон крајот наминатата седмица, што претставуваа напуштање на традицијата стара со децении.
И покрај долгогодишното политичко сојузништво, Зехофер стана жесток критичар на либералните политики на Меркел, особено во односот кон прифаќањето на бегалците.
Меркел,пак, без разлика на критиките па дури и заканите за раскинување на децениската коалиција на изборите следната година, го одржуваше ветувањето дека ќе им пружи засолниште на бегалците од Блискиот исток и беше упорна во тоа германските граници да останат отворени.
Германија минатата 2015 година прими, според ревидираните од 1,1 милион, повеќе од 800.000 бегалци.
Тоа е една од причините неколкуте тешки порази на CDU на регионалните избори годинава, вклучително и во нејзината изборна единица, но сепак Ангела Меркел и покрај тоа и успесите на евроскептичната и антидоселеничка партија Алтернатива за Германија (AfD), што во Германија се доживува како јасна критика од гласачите на бегалските политики на владата која таа ја води, во повеќе наврати ги отфрли барањата за промена на насоките во врска со политиката на отворени граници кон имиграцијата, иако е забележливо дека во последната седмица не го употреби мотото „Ние тоа го можеме“, која се однесуваше токму на мигрантската криза./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.
Европа
Шпанскиот државен обвинител бара прекин на истрагата против сопругата на Санчез
Шпанскиот државен обвинител, назначен од кралот по препорака на владата, денеска побара од судот во Мадрид да ја затвори истрагата за корупција против сопругата на премиерот Педро Санчез бидејќи „нема индиции за кривично дело“.
Судијата во Мадрид вчера пријавил дека отворил прелиминарна истрага за 59-годишната Бегоња Гомез. Сопругата на премиерот беше пријавена кај судијата од синдикатот Манос Лимпиос (Чисти раце) врз основа на медиумските извештаи дека давала препораки со нејзин потпис на претприемачи кои се пријавиле на јавни тендери. На овој начин, било наведено во пријавата, таа ја искористила својата позиција и влијание за да можат блиските луѓе да добијат јавни пари и работа.
Организацијата Манос Лимпијас претходно изјави дека својата тужба ја заснова на медиумски извештаи и дека не може да гарантира за нивната вистинитост, а шефот на организацијата, Мигел Бернад, рече дека извештаите биле проследени до судијата од „граѓанска должност“ и негираше дека акцијата била политички мотивирани.
Во 1980-тите, Бернад се натпреваруваше на два европски избори како кандидат на екстремно десничарскиот Национален фронт во 1980-тите.
Манос Лимпијас одлучи да побара од судот да отвори истрага за бизнисот на Гомез откако обвинителите не постапија самоиницијативно, а истражниот судија ќе одлучи дали медиумските извештаи се точни или не, рече тој.
Консултантската компанија на претприемачот Карлос Барабес, според пријавата, добила 10 милиони евра од јавно претпријатие во надлежност на Министерството за економија. Тој претприемач подоцна основал постдипломски курс кој го водела Гомез на Универзитетот Комплутенсе во Мадрид.
Во извештајот се споменува поврзаноста на сопругата на премиерот со туристичката компанија Globalia, која беше спонзор на едукативниот центар „Africa Centre del Instituto de Empresa“ управуван од Гомез. Шпанската влада со 600 милиони евра народни пари ја спаси „Air Europa“, во сопственост на Globalia.
Државното правобранителство испрати жалба до судот во Мадрид, во која се наведува дека нема „индиции дека сторила кривично дело“, објави радиото Ла Секста.