Европа
Меркел сака да му помогне на Камерон да ја задржи Британија во ЕУ
Германската канцеларка Ангела Меркел покажа во петокот разбирање за реформите на Европската унија коишто ги бара нејзиниот британски колега Дејвид Камерон, и е решителна во намерата да му помогне за по референдумот планиран до крајот на 2017 година Велика Британија да остане во Унијата.
Германската канцеларка Ангелеа Меркел вели дека „конструктивно ќе го следи“ процесот на реформи на Европската унија кои ги бара Велика Британија, неисклучувајќи однапред измени на европските договори што силно ги вознемирува многуте членки на ЕУ.
Британскиот премиер Дејвид Камерон, кој неодамна беше повторно избран, ја насочи Велика Британија кон референдум за останување на земјата во ЕУ што е оценето како опасно. Под притисокот на евроскептиците, тој сака во името на суверенитетот на британскиот парламент да врати некои овластувања и особено да ги заостри условите за примање на социјална помош за европските државјани, обврзувајќи се дека ќе се заземе за останување во Унијата доколку добие задоволувачки и доволно отстапки.
Камерон откако во четвртокот ги посети Холандија и Франција, а во петокот претпладнето Полска, попладнето пристигна во германската престолнина Берлин во рамките на својата турнеја по европските центри каде што ќе го претстави својот план за реформи.
„На германската страна недвосмислено постои надеж дека Велика Британија и натаму ќе биде членка на Европската унија“, изјави Меркел на заедничката прес-конференција со Камерон.
„Европската унија досега покажа дека може да биде прилично прилагодлива која некоја земја членка има проблем и верувам дека тоа повторно ќе го покажа“, рече Камерон во Берлин.
Камерон својата дипломатска офанзива ја покрена откако во четвртокот во британскиот парламент официјално беше претставен нацртот на законот во кој се опишуваат деталите за референдумот за членството во Европската унија./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.