Европа
Меркел скептична за разместувањето на НАТО во источна Европа
Во текот на посетата на генералниот секретар на НАТО, Андерс Фог Рсмусен на Берлин, германската канцеларка Ангела Меркел си претпазливост реагираше на повиците за трајно разместување на сојузничките сили во источноевропските држави поради стравот од руска одмазда за некои членки на Алијансата.
Дел од земјите, во прв ред балтичките коишто порано беа во составот на Советскиот сојуз се чувствуваат загрозени поради значајните руски и русофони малцинства на нивните територии, откако избувна кризата во Украина, и по присоединувањето на црноморскиот полуостров Крим, каде што живее значително руско население, на Руската Федерација, што за земјите членки на НАТО претставува руска анексија на украинска територија.Како што пренесува порталот EurАktiv, германската канцеларка Ангела Меркел по средбата со генералниот секретар на НАТО, Андерс Фог Расмусен истакнала дека дел од сојузничките земји се чувствуваат загрозени и несигурни поради кризата во Украина и кршењето на територијалниот суверенитет.„Тоа најмногу се однесува на балтичките земји, но и на Полска. Офговорни сме за заедничката безбедност“, додала Меркел алудирајќи на членот 5 од Сверноатлантскиот договор, според кој напад врз земја членка на НАТО се смета за напад на Алијансата.„Разговаравме за фактот дека нема дилема оти Советот НАТО – Русија мора да остане на сила“, навласи германската канцеларка одговарајќи на прашање за трајното распоредување на сили на НАТО во источна Европа.Советот НАТО – Русија е основан 1997 година со што требаше да биде ставен крај на ривалството меѓу Русија и НАТО, но Москва бара гаранции дека Алијансата нема да гради воени бази во земјите на поранешниот Варшавски пакт кои влегоа во НАТО по распадот на Советскиот сојуз. Покрај инсталирањето на ткн американскиот антиракетен штит на границите со Русија, под изговор за заштита од интерконтинентални проектил од Блискиот исток, на пример, Москва како директна закана по својата безбедност и интереси го смета и воспоставувањето на бази на НАТО во речиси сите поранешни членки на Варшавскиот договор во источна Европа.„Тоа е воедно и рамка за оној вод помош којашто можеме да им ја пружиме на нашите партнери кога од нас ќе ја побараат. Во овој момент подготвени се воени спецификации, по што за нив можеме да разговараме“, изјави Меркел.Потсети дека Германија веќе учествува во воздушното набљудување. „Ќе разговараме и за тоа како, како Сојуз, можеме да ја подобриме безбедноста на нашите членки“, додала канцеларката. Расмусен во Берлин навести дека НАТО ќе ги зголеми бројот на воени маневри во земјите коишто чувствуваат руска закана. „Во таа смисла присутноста на Алијансата во тие земји е веќе видлива“, изјави генералниот секретар. Додаде дека особено Полска, од избувнувањето на украинската криза, побарала основање воени бази на нејзината територија, на што Москва се спротиставува ценејќи го овој потег како насочен против неа.„Ќе ги разгледаме можните натамошни чекори за долгорочно јакнење на нашата колективна безбедност. Тоа ќе доведе до можна ревизија на нашите одбранбени планови или потребата за развивање нови, до јакнење на воените вежби, а во одредени граници и до разместување на силите“, истакна Расмусен.Додаде дека таков „план на приправност“ ќе биде претставен и разгледуван на самитот на НАТО, во септември во Велс./крај/мф/сн
Извор: EurАktiv
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.