Европа
Мешков: ЕУ не смее да го притиска западен Балкан со изборот ЕУ или Русија
Европската унија не би смеела да ги злоупотребува амбициите на земјите од западен Балкан за придружување за да ги принудува да избираат меѓу ЕУ и Русија, изјави во саботата на последниот ден од деветтиот Кроација Форум, на кој присуствува и шефот на македонската дипломатија Никола Попоски, заменикот руски министер за надворешни работи, Алексеј Мешков.
„Од земјите во регионот не би требало да се бара да избираат меѓу Европа и Русија“, изјавил Мешков гласно порачувајќи дека „интеграцијата на западен Балкан не би смеела да создаде нова линија на разграничувања во Европа“. Во контекстот на настаните во Украина, додал заменикот на министер на руската дипломатија, Европската унија исто така не би смеела да ги притиска земјите од западен Балкан да им се придружат на санкциите против Русија.„Исто така, неприфатливо е дека се притискаат да ги признаваат границите кои се исцртани со сила“, порачал Мешков.Истакнувајќи дека Русија е за интеграциите, како и дека и таа е во процес на интеграции, рекол дека на сите им е потребно „повеќе интеграции и соработка во Европа“, потсетувајќи на идејата на рускиот претседател Владимир Путин за „заедничкиот економски и хуманитарен простор“. ЕУ интеграции на земјите од регионот е добра работа, подвлекол Мешков и укажал дека состојбата во некои земји, меѓутоа, е „нестабилна и непредвидлива“. „Која земја следна ќе влезе во ЕУ, зависи само од Унијата и од аспирантите, но тешко сето тоа ќе се случи во блиска иднина“, оценил Мешков.Заменикот на шефот на руската дипломатија Сергеј Лавров не ја пропуштил можноста по изјавата до петокот на неговата колешка, заменичката на американскиот државен секретар Викторија Нуланд дека Хрватска во областа на енергетиката би требала да донесе „паметни одлуки“, да понуди и свое видување на американскиот притисок за ослободување на земјите од ЕУ и регионот од зависноста од руските енергенси. „Мислам дека тука никој не се сомнева во важноста од воспоставување дополнителни енергетски правци за снабдување од Русија кон Европа. Една од важните задачи е развојот на прекуграничните инфраструктурни проекти како што е Јужен тек“, рекол Мешков.Изразил жалење што сѐ уште, како што истакнал, постои политички пристап кон споменатиот извонредно важен проект, потсетувајќи дека дијалогото ЕУ – Русија за правните и техничките аспекти за изградба на гасоводот Јужен тек се буквално блокирани.„Очекуваме од партнерите од земјите во регионот во врска со Јужен тек да бидат поактивни во дијалогот со Европската комисија. Во спротивно, ќе изгубат можност за големи вложувања и илјадници работни места“, порачал заменикот руски министер за надворешни работи истовремено истакнувајќи потсетувајќи дека австриската енергектска компанија OMV јасно се определил за Јужен тек.На тркалезната маса за западен Балкан и ЕУ, како што оценуваат известувачите на агенциите од Дубровник, Мешков јасно дал до знаење дека Русија е „максимално отворена за соработка со земјите од западен Балкан“, како и дека Русија и ЕУ заедно би можеле да развиваат проекти во регионот./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.