Европа
Мигрант почина чекајќи надвор на студот во Берлин
Еден мигрант почина откако бил присилен да чека пред канцеларијата за здравствено и социјално осигурување во Берлин (Lageso) неколку денови на температури под нулата, соопштија волонтерите во среда.
„Ете, се случи. Сириец кој имаше 24 години и кој чекаше на неподносливите температури под нулата, е мртов затоа што се разболе од грип, се тресеше, а доби и инфаркт во амбулантата“, напиша на Facebook волонтерката Рејна Брунс. „Човекот што сега е мртов имаше 24 години, Млад, здрав човек, кој може да поднесе се, за кој никој не треба да се грижи, а кој се сомневаше од почетокот – што уште сакаат овде?“, додава таа.Ниту полицијата ниту Lageso веднаш не ја потврдија веста за смртта на момчето, јави Spiegel Online.Брунс вели дека е сведок и на најмалку четири спонтани абортуси на жени кои чекале пред канцелариите на Lageso – „не е ли тоа исто така, смрт?“, се прашува таа, а сведочи и за неколку колабирања, инфаркти и дијабетични шокови, што мигрантите ги доживеале додека чекале пред канцелариите.„Ова жртвување на човечкиот живот мора да се превенира. Знаевме дек ќе дојде до тоа. И не се случува само последните два дена, туку последната половина година.“Нејзината колешка, волонтерка, Диана Хенигес, за Spiegel Online вели дека смртта на момчето е директна последица на чекањето пред Lageso.„Тој беше истоштен од чекањето на студот, имаше грип. Но, сепак, мораше да се појавува пред Lageso иако имаше треска“, вели Хенигес, додавајќи дека тој немал налчин како да дојде до пари за храна.Lageso е под притисок последните месеци, поради слабост на менаџментот што резултираше и со смена на директорот во декември.Хенигес за The Local вели дека не очекуваат работите да се сменат само затоа што се сменило раовоството во институцијата и ги обвини градските власти на Берлин дека не водат грижа за бегалците.Повеќе од 40 адвокати поднесоа кривична тужба против градскиот сенатор за здравство Марио Чаја, во декември, обвинувајќи ги институциите дека со запуштањето на работата предизвикуваат непоправлива штета.„Во ниту една друга држава политикарите и администрацијата не потфрлиле толку системски како овде“, рече адвокатката Кристина Клем, при поднесувањето на тужбата, тврдејќи дека поради тоа се случуваат повреди, болести, глад и бездомништво./крајтл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.