Европа
Минхен: Полицијата најде тело на самоубиец, веројатно тој е напаѓачот и дејствувал сам
Минхенската полиција потврди дека нашла тело на самоубиец, со голема веројатност тоа да бил единствениот напаѓач од трговскиот центар „Олимпија“, се наведува во соопштението на градската полиција.
Минхенската полиција потврди дека нашла тело на самоубиец, со голема веројатност тоа да бил единствениот напаѓач од трговскиот центар „Олимпија“, се наведува во соопштението на градската полиција.
Силите за спроведување на законот, исто така, посочуваат дека напаѓачот дејствувал сам. Претходно полицијата соопшти дека трага по три лица осомничени за нападот, повикувајќи се на изјави на очевидци. Меѓутоа, во моментов верува дека само еден човек е одговорен за нападот во трговскиот центар.
„Предвремено отповикување на тревогата. Во рамките на истрагата за настаните најдовме човек кој извршил самоубиство. Притоа со голема веројатност може да се каже дека тоа е напаѓачот, којшто, според нашите последни сознанија, дејствувал сам“, се наведува во соопштението на полицијата на Минхен, објавено на социјалните мрежи.
Според полицијата, информациите за тројца напаѓачи, од кои двајца се во бегство и се трагаше по нив, не се потврдиле. Според достапните информации, напаѓачот пронајден мртов, најверојатно самиот се убил, а неговото тело е најдено на еден километар од местото каде што го извршил вооружениот напад.
Околу два часот утрото властите во Минхен објавија дека тревогата минала и дека граѓаните може да излезат од своите домови и привремени засолништа, а сообраќајот повторно е воспоставен.
Повеќе не е на сила „високо ниво на закана“, изјавил претставник на полицијата за Sueddeutsche Zeitung. „Високото ниво од терористичка закана“ полицијата го објави веднаш по нападот во трговскиот центар „Олимпија“.
Пукањето во трговскиот центар кој се наоѓа на пет километри од центарот на Минхен, предизвика низа евакуации на јавно места, запирање на јавниот транспорт и предизвика паника во градот.
Полициски извор за агенцијата Reuters потврдил дека бројот на жртвите достигнал десет. Претходно полицијата соопшти за девет мртви, но за агенцијата DPA лекар од клиниката на Техничкиот факултет изјави дека починала пациентка, една од деветте ранети лица донесени во оваа болница.
Спасувачките служби на Минхен соопштија дека по пукањата во градот биле хоспитализирани 21 човек, а лекарите им укажувале разни видови помош на неколку стотици лица на местото на нападот.
„До 0,50 часот (во саботата) Брзата помош доставила во болниците 21 човек. Во моментов на неколку стотици луѓе им се пружа помош од специјалисти во посебно опремените пунктови“, соопшти противпожарната служба на Минхен на Twitter.
„Повредените се донесени со повреди кои се движат од лесни до тешки“, прецизира портпаролот на минхенската полиција Маркус де Глорија Мартинс, кого го цитира весникот Sueddeutsche Zeitung. Претходно полицијата објави дека десет лица се ранети во инцидентите во градот, додека медиумите известуваа за бројот на ранетите достигнал дваесет луѓе./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.