Европа
Минск: Дипломати гледаат ’надеж’, за Порошенко ’неприфатливи’ руските предлози
Челниците на Украина, Русија, Германија и Франција по целоноќните преговори можеби се наоѓаат пред постигнување договор за решавање на украинскиот судир, изјавија во четвртокот наутро дипломатски извори, додека украинскиот претседател Петро Порошенко пред почетокот на новата сесија преговори изјави нема добри новости, а некои предлози на руската страна ги нарече „неприфатливи“, а други извори, пак, велат дека е при крај конечниот документ од 10 точки.
Преговарачите собрани во белоруската престолнина Минск во обидот да постигнат мировен договор за Украина се надеваат дека Контактната група, односно претставниците на Украина, Русија и Организацијата за безбедност и соработка во Европа (ОБСЕ), која ги олеснува преговорите меѓу властите во Киев и одметнатите источни рускојазични регион Донецк и Луганск, би можела да потпише договор во петок, изјави дипломатски извор за AFP.
„Има надеж дека Контактната група ќе потпише договор“, изјавил неименуван извор на агенцијата истакнувајќи дека текстот би се однесувал „на конкретното спроведување на договорот постигнат во Минск на 5-ти септември“.
Од друга страна, украинскиот претседател Петро Порошенко изјави дека од Минск „За жал, сé уште нема добри вести. Во моментов нема ниедна новост. Но надеждта се уште постои“, изјави Порошенко велејќи, без да навлегува во детали, дека некои има некои „неприфатливи услови“ од руската страна.
Претседателите на Русија, Украина и Франција, Владимир Путин, Перо Порошенко и Франсоа Оланд, и германската канцеларка Ангела Меркел го продолжуваат во четвртокот маратонскиот состанок започната пред 14 часа во Палатата на независноста.
„Русија ќе продолжи да им дава политичка и морална поддршка на жителите од источна Украина., а тоа нема да влијае на актуелните преговори“, изјави за американската телевизиска мрежа CNN, постојаниот руски претставник во ЕУ, Владимир Чижов. На прашањето што Русија добива од средбата во Минск, тој вели дека „Русија има низа предлози. Всушност, првичниот договор од Минск е направен врз основа на предлогот на претседателот Путин“, потсети Чижов на телефонскиот разговор меѓу рускиот и украинскиот претседател еден ден пред одржувањето на средбата на Контактната група ланскиот 5-ти септември кога беше соопштен предлогот на Путин од 12 точки кои подоцна станаа основа за ткн Мински протокол, кој беше уточнет на 19-ти септември.
Украина, нормално не може да суштествува изолирано од Русија. Доставувањето на западно оружје „би претставувало безумие“, коешто „ќе им наштети првенствено на самите Украинци“, смета поранешниот амбасадор на САД во Москва, Џек Метлок, кој за кризата зборуваше во Националниот клуб на новинарите во Вашингтон, пренесува Reuters.
На прашањето дали западноевропските земји можат да го спречат Вашингтон да им испорачува смртоносно оружје на властите во Киев, Метлок изјави дека „Се надевам оти можат. И Оланд, и Меркел, јасно говорат дека не не треба да има снабдување со оружје. И да се одите против нив по тоа прашење, за нас (САД) би претставувало безумие“, вели американскиот дипломат./.крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.