Европа
Могерини; ЕУ е посебно одговорна за имигрантите на Медитеранот
Европската унија мора да биде подготвена да се справува со приливот на имигрантите кои го преминуваат Средоземното Море, изјави високата претставничка за надворешна и безбедносна политика на ЕУ, Федерика Могерини по неколкуте бродски несреќи во коишто животите ги загубија стотици имигранти.
Европската унија мора да биде подготвена да се справува со приливот на имигрантите кои го преминуваат Средоземното Море, изјави високата претставничка за надворешна и безбедносна политика на ЕУ, Федерика Могерини по неколкуте бродски несреќи во коишто животите ги загубија стотици имигранти.
„Како Европејци посебно сме одговорни за спречување на таквите драми и соочување со таа криза“, изјави во средата шефицата на европската дипломатија, Федерика Могерини, која доаѓа од една од земјите кои се најпогодени од оваа криза – Италија, на средбата со американскиот државен секретар Џон Кери во Вашингтон.
Од почетокот на годинава во обидите да го препловат Медитеранот и со несигурни, претоварени и импровизирани пловила да дојдат до бреговите на Европа, загинале повеќе од 1.750 имигранти, дури 30 пати повеќе отколку во истиот период претходната 2014 година.
ЕУ, САД и Африканската унија (АУ) би можеле „да работата заедно на спасувањето на очајните луѓе кои се во потрага по подобар живот, во борбата против трговијата со луѓе и против оние коишто ги префрлуваат тие имигранти“, рече Могерини.
Могерини во понеделникот заедно со генералниот секретар на Обединетите нации, Бан Ки-мун, и италијанскиот премиер Матео Ренци, исплови на отворено море во знак на солидарност со имигрантите, една седмица по бродоломот на рибарскиот брод кој превезувал повеќе стотици илегални имигранти, во кој во водите крај Либија загинаа повеќе од 800 луѓе.
Најголемата пречка со којашто се соочени во ЕУ е хаосот кој владее во Либија, од каде што многу имигранти го тргнуваат во многу опасната авантура преку Медитеранот. Франција и Велика Британија имаат намера, како постојани членки, од Советот за безбедност при ОН да побараат усвојување резолуција којашто ќе овозможи дејствување во либиските води против организаторите на транспортот на несреќните имигранти.
„Заеднички работиме на проблемот со Либија, којашто се наоѓа на точка на пресврт во која дипломатијата е на искушение“, изјави Кери.
На вонредниот самит минатиот четврток во Брисел челниците на ЕУ се договорија дека тројно ќе ги зголемат средствата за операцијата „Тритон“ за надзори помош во Медитеранот. Секој ден повеќе стотици имигранти,повеќето Африканци и Сиријци, стигнуваат до италијанскиот брег./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.