Европа
Московјани го одржаа големиот марш во чест на убиениот Немцов
Носејќи транспаренти со натпис „Не се плашам“, „Тоа се куршуми во секој од нас“ и со руски знамиња со црна лента, според различни извори 21 илјадa (според московската полиција), односно над 44 илјади луѓе (според организаторите) се одржа во неделата маршот во сеќавање на рускиот опозициски политичар Борис Немцов кој беше застрелан околу полноќ ноќта кон саботата во близина на Кремљ.
Поворката се движеше во центарот на Москва а заврши на Големиот мост на реката Москва каде што беше убиен Борис Немцов, поранешен висок владин функционер во неколку гарнитури до 1998 година, кој подоцна беше челник на опозициската партија РПР „Парнас“.
Еден час по започнувањето на маршот, градското московско министерство за внатрешни работи објави дека во него учествуваат 16,5 илјади луѓе, откако на почетокот оцени дека бројката на учесници се движи околу седум илјади, а позавршувањето на настанот полицијата објави дека на него учествувале 21 илјада луѓе. Организаторите велат, пак, дека како и што очекувале и добиле дозвола од градските власи, на маршот излегле околу 50 илјади луѓе. „Малку под педесет илјади, половина час пред крајот на поворката имаше 44 илјади луѓе, сметајќи го просторот, во тоа време се придружија уште две до три илјади, односно ги имаше вкупно околу педесет илјади“, изјавил за РИА Новости, опозицискиот политичар Сергеј Давидис.
На местото на убиството на Немцов зборуваше копретседателот на партијата на убиениот политичар, Михаил Касјанов, кој порача дека „сите демократски сили во Русија ќе продолжат да се борат за вистината и слободата, борба што ја водеше Немцов“. Касјанов, исто така, им се заблагодари на сите учесници на митингот кои дошле да му одадат почит на политичарот.
Настанот се одржа во мирна атмосфера, изјавиле од министерството за внатрешни работи, а неименуван извор потврдил дека полицијата го привеле пред почетокот на настанот во Москва пратеникот од Врховната Рада (парламентот) на Украина, Алексеј Гончаренко. Овој украински пратеник стана познат по тоа што активно учествуваше во настаните во украинскиот пристанишен град Одеса ланскиот 2-ри мај, кога беше подметнат пожар во тамошниот Дом на синдикатите во кој загинаа 40-ина припадници на рускоајзичната заедница активисти на „антимајданското “движење. Гончаренко тогаш објавуваше на интернет фотографии од мртви и изгорени луѓе, а сега е член на најголемата фракција во украинскиот парламент Блокот на претседателот Петро Порошенко.
„Ако ја запреме кампањата против опозицијата, имаме шанса да ја промениме Русија, Доколку не успееме, ни се заканува масовен општествен судир. Власта е корумпирана и ја задушува секоја закана. Борис (Немцов) за нив беше многу опасен“, изјави за Reuters опозицискиот политичар Генадија Гудков.
Критичарите на рускиот претседател Владимир Путин велат дека неговата заложба за сеопфатна истрага претставува „цинизам на руските власти кои разгоруваат анционализам, омраза и антизападна хистерија за да добијат поддршка за својата политика кон Украина и да го оттргнат вниманието од тешката економска состојба“, вели опозиционерот Сергеј Митрокин. „Тоа е удар за Русија. Доколку вака се казнуваат различните политички мислења, тогаш оваа земја нема иднина“, смета Митрокин.
Во прилогот на Reuters од Москва се наведува и дека „прифаќајќи ја стварноста која ја прикажуваат државните медиуми“, некои жители на руската престолнина се согласуваат дека „опозицијата можеби го убила еден од своите челници за да се засили опозициското движење“, кое е видно ослабено во третиот претседателски мандат на Путин.
„Власта од ова сигурно нема никаква полза. Никој веќе не се сеќава на Немцов. Станува збор за провокација“, изјавил за британската агенција млад жител на Москва. Група млади кои се шетала во неделата во центарот на руската престолнина запрашала „А кој е всушност Немцов“, пренесува Reuters.
Педесет ипетгодишниот Борис Немцов, Евреин од црноморскиот град Сочи, беше еден од челниците на либералната партија Сојуз на десните сили. На почетокот од 1990-те беше гувернер на областа Ножни Новгород, а во 1997 и 1998 година беше министер за енергетика и вицепремиер на руската влада во времето на претседател Борис Елцин.
Првично во Москва во неделата, 1-ви март, требаше да се одржи протест на опозицијата против економските антикризни на владата воведени по западните санкциите против Русија за наводната нејзина улога во судирот во Украина, како и да се повика на борба против корупцијата, спроведување на реформи во земјата и децентрализација на власт. Но поради убиството на Немцов, опозицијата го откажа протесниот марш и донесе одлука да се одржи настанот во знак на сеќавање на убиениот нејзин политичар./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.