Европа
Москва бара директни преговори со бунтовниците, Киев одбива
Рускиот министер за надворешни работи Сергеј Лавров ги повика во средата украинските челници дека мора директно да разговараат со рускојазичните бунтовници во источна Украина и оти не смеат да гледаат на Русија како страна во тамошниот конфликт, а украинската влада веднаш го отфрли предлогот за директни преговори за ставање крај на судирот и и’ порача на Русија да престане „да си игра игри“ со што сака на „терористите“ да им даде легитимитет“.
Рускиот министер за надворешни работи Сергеј Лавров ги повика во средата украинските челници дека мора директно да разговараат со рускојазичните бунтовници во источна Украина и оти не смеат да гледаат на Русија како страна во тамошниот конфликт, а украинската влада веднаш го отфрли предлогот за директни преговори за ставање крај на судирот и и’ порача на Русија да престане „да си игра игри“ со што сака на „терористите“ да им даде легитимитет“.
Киев и неговите поддржувачи, САД и Европската унија кои воведоа санкции против Русија, постојано ја обвинуваат Москва дека со оружје, пари и луѓе ги помага рускојазичните бунтовници кои не ги признаваат прозападните власти на Украина и прогласија ткн Народни републики во Донецк и во Луганск. Руската страна решително ги отфрла овие обвинувања и бара тие да бидат поткрепени со докази, а за конфликтот во источна Украина вели дека таа не е страна во него и оти станува збор за внатрешноукраинско прашање.
„Како следен чекор, повикуваме да се воспостават постојани контакти меѓу Киев и Донбас (заедничкиот назив за одметнатите рускојазични региони во источна Украина), за да се постигнат меѓусебно прифатливи решенија“, изјави шефот на руската дипломатија Сергеј Лавров говорејќи пред пратениците во руската Државна Дума, долниот дом на рускиот парламент, пренесува РИА Новости.
Ги обвини заговорниците на војната во Киев дека се обидуваат да ги исклучат бунтовниците од мировните преговори. Тие сакаат „да го присилат Западот од Русија да издејствува согласност од Русија таа да стане страна во судирот“, истакна Лавров. „Тоа е сосема контрапродуктивно и провокативно, и нема изгледи за успех“, додаде рускиот министер за надворешни работи.
И покрај несогласувањата, партнерите на Русија ги прифаќаат ставот дека Кримскиот полуостров нема да и’ биде вратен на Украина.
Овој црноморски полуостров во март годинава по одржаниот референдум, откако во масовните безредија во Киев беше соборен претседателот Виктор Јанукович а новите прозападни власти именуваа нови свои челници на регионите и на рускиот му го поништија статусот на службен, ја поврати автономијата и изгласа присоединување на Руската Федерација, што западот го смета за кршење на меѓународното право и руска анексија на украинска територија.
„Крим е неделив дел од Русија и целосно сме за него одговорни“, изјави Лавров и додаде дека Москва не треба да биде обвинувана за напнатоста во односите со Европската унија поради Украина, и нагласи дека руската страна сака дори односи со Брисел.
Москва сака Киев да ги признае проруските бунтовници, малку подоцна во средата одговори украинскиот премиер Арсениј Јаценјук на седница на владата нагласувајќи дека владата нема директно да преговара со бунтовниците, одговарајќи на повикот на Лавров.
„Нема директно да разговараме со вашите платеници“, изјавил Јаценјук, а агенцијата Reuters истакнува дека ја повторил таа реченица полека, збор по збор, и тоа на руски јазик за да и’ даде дополнителна тежина.
Јаценјук и’ порача на Москва побара „да престане да игра игри со коишто сака да ги легитимизира бандитите и терористите“. „Доколку вие (Русија) сакате мир, исполнете го договорот од Минск“, порача Јаценјук.
Во Минск на 5-ти септември, под покровителство на ткн Контактната група за Украина (претставници од Киев, Москва и Организацијата за безбедност и соработка во Европа – ОБСЕ), украинските власти и претставниците на самопрогласените народни републики во Донецк и Луганск, договорија прекин на огнот, како дел од поширокиот од 12 точки мировен план. Примирјето постојано се прекршува и секојдневно гинат војници и цивили, особено откако на 26-ти октомври беа спроведени предвремените украински парламентарни избори а на 2-ри ноември бунтовниците во Донецк и Луганск изгласаа претседатели и совети./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.