Европа
Москва одговора на санкциите и критиките од самитот на Г7
Кремљ не верува дека продолжувањето на санкциите против Русија ќе има позитивно влијаени врз глобалната економија и состојбите во меѓународната политика, изјави портпаролот Дмитриј Песков, додека рускиот премиер Дмитриј Медведев ѝ наложи на владата да изработат предлози за продолжување на забраната на увоз на храна од западните земји до крајот на 2017 година.
„Позицијата на Кремљ не е променета, попрво ова прашања не е на нашата агенда. Истовремено не сметаме дека таквите одлуки може да имаат позитивно влијание врз глобалната економија и за глобалните прашања во целина“ изјави Песков за новинарите.
Британскиот премиер Дејвид Камерон претходно во петокот од Јапонија по самитот на седумте индустриски најразвиени земји групата Г7 изјави дека тие се согласиле во јуни да ги продолжат санкциите против Русија поради нејзината наводна улога во украинската криза.
Германската канцеларка Ангела Меркел, по истиот самит рече дека е прерано да се зборува за укинување на санкциите против Русија. Меѓутоа, нејзиниот министер за надворешни работи Франк-Валтер Штајнамер во четвртокот и петокот при посетат на трите балтички земји изјави дека можно е да има постепено укинување на санкциите доколку има брз напредок во смисла на договорот од Минск и призна дека „ќе биде потешко отколку лани да најдеме заедничко решение за ова прашање“.
Во заедничката декларација усвоена на самитот на челниците од Г7 се вели дека санкциите ќе останат на сила „до целосната реализација на договорот од Минск“ па дури оти ќе бидат заострени „доколку биде потребно“.,
Рускиот заменик министер за надворешни работи Сергеј Рјабков оваа изјава ја нарече „апсурдна“. Дипломатот посочи дека Москва не е учесник во украинскиот конфликт.
Санкциите воведен против Русија од страна на ЕУ истекуваат на 31-ви јули, а земјите членки за тоа ќе разговараа на самитот кој ќе се одржи на 28-ми и 29-ти јуни. Меѓутоа, во Брисел се зачестени стравувањата дека по ова прашање ќе има разногласија и оти неколку земји ќе се залагаат за олеснување или укинување на санкциите.
Подоцна рускиот премиер Дмитриј Медведев на средбата на Рускиот сојуз на индустријалци и претприемачи изјави дека продолжувањето на забраната за увоз на храна од западните земји како реакција на анти-руските санкции би им овозможило на руските производители на храна долготрајни вложувања.
„Ја задолжив владата да подготви предлог за продолжување на противсанкциите, не само за една година, туку до крајот на 2017-та. Петицијата на претседателот ќе му биде подготвена“, рече Медведев.
Русија во 2014 година со забраната за увоз на свежи прехранбени производи од многу западни земји одговори на санкциите коишто против неа ги наметна Западот, под притисок на САД, обвинувајќи дека ги поддржува рускојазичните бунтовници во источна Украина и дека го анкетирала Крим. Овој црноморски полуостров на кој доминантно е руското и рускојазичното население во март 2014 година, како одговор на соборувањето на власта во Киев и нејзиното преминување во рацете на прозападните сили со референдум ја поврати укинатата автономија и изгласа присоединување кон Руската Федерација.
Во 2015 година Русија ги прошири санкциите и на Турција, поради нејзиното уривање на руски воен авион кај границата со Сирија. Москва повеќепати објаснува дека санкциите и нејзиниот одговор се добра можноста за руските производители да развијат дејности со кои ќе можат да го завладеат големиот домашен пазар без увоз од скапите европски производи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.