Европа
Москва: Заклучоците на обвинителството за MH17 ја потврдуваат пристрасност на истрагата
Наодите на канцеларијата на холандскиот обвинител за истрагата за уривањето на малезискиот патнички авион на летот MH17 во летото 2014 година во близина на украинско-руската граница, ја потврди пристрасноста на истрагата, возврати во средата руското министерство за надворешни работи.
„Произволното посочување на виновникот и измислувањето на саканите резултати од истрагата се претворија во правило за нашите западни колеги….“, се вели во коментарот на портпаролката на руската дипломатија Марија Захарова, пренесува агенцијата РИА.
Претходно во средата холандското обвинителство ги објавија долго очекуваните резултати од истрагата за тоа кој е одговорен за соборувањето на патничкиот авион над источна Украина во 2014 година, кога загинаа сите 298 патници и членови на екипажот. Ракетниот систем „Бук“ е довезен во селото Первомајск и од него е истрелана една ракета, по што е вратен во Русија, заклучил Заедничкиот истражувачки тим предводен од холандските иследници, јави агенцијата Reuters.
Во средата портпаролот на Кремљ, Дмитриј Песков, изјави дека Москва дала исцрпна информација за трагедијата на малезискиот патнички авион.
Според Захарова, правејќи ја Украина членка на Заедничкиот истражувачки тим, ѝ дало можноста да доставуваат материјали кои делото ќе го свртат во полза на тврдењата на Киев.
„Русија од почетокот предложи заедничка работа и потпирање само на фактите. Наместо тоа, меѓународните иследници ја отстранија Москва од целосното учество во истражниот процес, давајќи им на нашите напори второстепена улога“, додава Захарова.
Израсува притоа надеж дека откако „руската страна ги предаде“ во заедничката истражна група за MH17 „неоспорните докази, како што се првите радарски податоци, а на секој стручњак му е јасно дека тоа без ваквиот најосновен доказ, ситуацијата се менува“.
„И конечните заклучоци на истрагата, за разлика од прелиминарните, се претвораат во објективна вистина и, во крајна линија, укажуваат на вистинските виновници за трагедијата“, заклучува портпаролката на руското министерство за надворешни работи.
Холандија кон средината на октомви 2015 година ги објави заклучоците од истрагата за падот на авионот „Malaysia Airlines“ на летот MH17 од Амстердам до Куала Лумпур, во која се утврдува дека леталото било соборено од проектил од системот „Бук“, но во него не се лоцира вината. А се истакнува дека била истрелана од територија која наводно била под контрола на рускојазичните бунтовници. Таа истрага Холандија ја водеше со експерти од неколку со неколку земји, меѓу кои САД, Украина, Малезија, Австралија и Русија, но која е незадоволна од соработката во текот на истрагата.
Лани, исто така, и рускиот концерн за оружје „Алмаз-Антеј“ во Москва ги претстави резултатите од своето вештачење, особено за типот ракета со кој бил соборен авионот, кое делумно се совпадна со холандскиот извештај. Но концернот тврди дека таквиот тип ракета Русија одамна не поседува и тврди дека го лоцирала точното место од кое е истрелана, и оти во тој период тоа било под контрола на силите лојални на Киев.
Нејзиниот претставник уште тогаш објави дека „Русија целосно ги отфрла тие заклучоци, бидејќи сосема се неточни“. „За жал, нашето учество во таа истрага беше сведено на информациите на коишто тие сакаат да ни ги дадат“, објави концернот чиј претставник искажа уверување дека некои докази се лажирани и дека холандските истражители „сокриле важни податоци“.
„Извештајот е многу нелогичен и холандските одговори се неосновани, пристрасни и не се поткрепени со факти, и служат само да се поткрепи нивната верзија“, истакнаа ланскиот отковмри од „Алмаз-Антеј“.
Претставниците на оваа компанија на почетокот од јуни 2015 година прецизираа дека според траекторијата проектилот дошол од територијата којашто во моментот била под контрола на силите лојални на прозападните власти во Киев. „Докажавме дека противвоздушната ракета којашто го соборила авионот Boeing над Украина, исклучиво би можела да биде од типот 9М38 комплексот ‘Бук’, истрелана од областа на селото Зарошченско. Последната таква ракета била изработена во Советскот сојуз во 1986 година“, соопшти тогаш претствник на специјалната прес-конференција во Москва.
Според него, крајниот и безбеден рок за овој тип проектили, вклучително и со сите надградби, изнесувал 25 години, по што тие биле повлечени од вооружувањето на руската армија.
„Двата последни експеримента покажаа дека во доколку Boeing-от би бил погоден со современата ракета 9М38М1 авионот би претрпел голем број значителни оштетувања во ткн вид на ‘пеперутка’, но од 7.000-те фрагменти секој четврти е со најголема кинетичка енергија“, изјавиl генералниот директор на концернот производител на системот „Бук“ притоа пред новинарите детално објаснувајќи го симулирањето на трагичниот лет и истрелувањето на евентуалниот проектил според документацијата фотографиите и карактеристиките на оштетувањата на остатоците од авионот од меѓународната истрага.
Резултатите од своето истражување од „Алмаз-Антеј“ на крајот од мај ги предале на меѓународната комисија за истражување на падот на авионот на летот МH17 од Амстердам за Сиднеј, но истакнаа дека се сомневаат дали тие ќе бидат земени предвид.
Како резултат на анализата во првата фаза во „Алмаз-Антеј“ решиле две задачи: прецизиран е типот ракета, според тоа е ракета (М38М1 со боева глава 9М314, како и дефинирање на условите на контактот на ракетата со авионот – ракетата се приближувала во пресек на курсот во хоризонтална рамнина 72 до 78 степени, во вертикална 20-22 степени. Најверојатна област од каде што би можел да биде истрелан проектилот, тоа е областа околу селото Зарошченско контролирано во времето на трагедијата од украинските владини сили.
Инженерите на концернот за да го одредат типот проектил кој наводно го погодил авионот, „спроведоа темелна анализа на оштетувањата на надворешната каросерија и моќноста на рамката од авионот, како и оштетени делови доставено на меѓународната комисија земени од различни елементи на конструкцијата на авионот“, се истакнува во соопштението на „Алтај-Алмаз“. Притоа се истакнува дека „беа анализирани не само формата, туку и општиот карактер на оштетувањата“.
Специјално биле ангажирани експертите кои го истражуваа падот на рускиот патнички авион „Ту-154“ со 78 израелски туристи кој во 2001 година над Црното Море го соборија украинските противвоздушни сили.
Несреќата на авионот на 17-ти јули 2014 година во Донецкиот регион е една од најголемата воздухопловна катастрофа во светот во изминатата 2014 година, загинаа сите 298 патници и членови на екипажот, а околностите уште се обвиени со голема мистерија што навистина се случило. Постојат повеќе контрадикторни изјави од меѓународни експерти и политичари.
Украина и САД тврдат дека малезискиот авион е соборен со систем кој бунтовниците им го дала Русија, додека Москва понуди сателитски и радарски снимки според кои таков систем „Бук-М“ на украинската армија бил распореден во зоната на судирот, како и дека авионот бил пресретнат од украински борбен авион../крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.