Европа
На изборите во Русија се очекува нова уверлива победа на владејачката партија
Русите во недела излегуваат на гласачките места за изборите во Државната дума, во услови кога нивниот животен стандард е намален, но и покрај тоа се очекува убедлива победа на владејачката партија Единствена Русија, а незадоволството на граѓаните може да се види единствено во слабиот одѕив.
Изборите на коишто првпат ќе гласаат и избирачите од црноморскиот полуостров Крим кој пред две години преку референдум се присоедини на Руската Федерација, што Западот го смета за нелегална руска анексија на украинска територија, се одржуваат во периодот кога популарноста на претседателот Владимир Путин во земјата се движи околу 80 отсто и покрај најдолгата рецесија во текот на неговите 16 години на челните позиции во Русија.
Две години по присоединување на Крим, односите меѓу Русија и Западот се најлоши по повеќе децении наназад, но тоа не се одрази на изборната кампања, а општата апатија насочува дека одѕивот би можел да биде низок.
Руските изборни власти годинава дозволија кандидирање на значително поголем број опозициски кандидат, што се толкува како настојување да се подобри сликата на демократијата по протестите од 2011 година кога слабата опозиција протестираше против наводни нерегуларности, на што на Западот му беше даден голем публицитет.
Гласачите со право на глас ќе избираат 450 претставници во Државната дума, долниот дом на парламентот. Исто така, ќе се избираат и некои важни регионални лидери, како на пример во Чеченија Рамзан Кадиров, кој е сојузник на претседателот Путин.
Исто така, ова се први избори кои ќе се одржат според новиот изборен систем, кој стапи на сила во 2014 година. Половината од 450-те пратеници ќе се избираат преку партиски листи, а другата половина непосредно.
Последните испитувања на јавното мнение на институтот ВЦОМ покажуваат дека Единствена Русија има 39,3 отсто поддршка, додека Либерално демократската партија ЛДПР има 10,4, а Комунистичката партија – 8,7 и партијата Справедлива Русија – 5,3 отсто, и се единствените кои ќе го минат изборниот праг од 5 проценти. Другите партии се движат од 1 процент надолу, а 14,7 отсто од испитаниците на анкетата нема да излезат да гласаат, а приближно исто процент не се определени.
Во анкетата на ФОМ, Единствена Русија има поддршка од 41 отсто, ЛДПР од 11 отсто а КПФР има 9 отсто поддршка, додека Справедлива Русија со 4 проценти ќе се бори да влезе во Думата. Во оваа анкета 13 отсто од испитаниците се одлучија да не гласаат.
Во анкетата на институтот Левада, пак, објавена на државната агенција РИА, поддршката за Единствена Русија паднала на 31 отсто, Комунистичката партија може да се надева на 10 отсто поддршка, а ЛДПР на 9 отсто, додеа изборниот праг со 5 отсто ќе го мине Справедлива Русија. Во ова истражување 15 отсто од испитаниците рекле дека нема да гласаат.
Во западните медиуми истакнуваат дека институтот Левада, чии анкети претходно покажуваа 39-процентна поддршка за Единствена Русија, беше прогласена за „странски агент“, термин со кој се одбележуваат невладините организации кои примаат пари од странство, а се вклучени во политички активности.
Јасно е дека владејачката партија на овие избори ќе се соочи со повеќе предизвици отколку пред пет години. Бидејќи руската економија е во рецесија од крајот на 2014 година, а економската криза најдолгата од 2003 година . Руската економија, која инаку силно се потпира на извозот на енергија, во моментов минува низ најдлабоката рецесија во последните 16 години, или откако на власт дојде Владимир Путин, поради ниските цени на пазарот и западните санкции воведен поради наводната улога на Русија во судирите во Украина. Куповната моќ на просечниот Русин е во опаѓање во контекстот на слабеењето на руската рубља којашто од 2013 година загуби речиси половина од вредноста
Меѓутоа, и без разлика на разочарувањето во актуелниот премиер и челник на Единствена Русија, Дмитриј Медведев, се чини дека и доколку се случат мали промени во Думата, тоа нема да влијае врз популарноста на претседателот Владимир Путин. Институтот Левада центар минатиот месец објави анкета во која поддршката за Путин изнесува 78 отсто. За споредба, во 2013 година овој параметар се движеше околу 60 отсто, а се смета дека неговиот подем започна по присоединувањето на Крим.
Поучени од искуството од последните парламентарни избори од 2011 година, кои беа засенети од тврдењата дека биле наместени и протестите на кои на Западот им беше дава голем публицитет, руските изборни власти годинава дозволија кандидирање на значително поголем број опозициски кандидат, што се толкува како настојување да се подобри сликата на демократијата.
Бројот на партиите кои ќе излезат на изборите се зголеми од само 7 на изборите во 2011-та, на 74, а изборниот праг е намален од 7 на 5 отсто. Меѓутоа, западните критичари велат дека тие подобрувања се само козметички и дека изборите нема да бидат чесни, оти наводно оделе во прилог на владејачката Единствена Русија. Се оценува дека новиот изборен систем оди во прилог на партиите кои имаат силни поединци кои можат да бидат успешни во некои изборни единици, како и на оние кои имаат дисциплинирани сојузно организирани партиски структури.
Путин инсистираше сите кандидати да добијат „еднакви услови за отворена, чесна борба“.Но, во уште во март го замени влезениот во скандал челникот на Централната изборна омисија Владимир Чуров, со реномираната заштитничка на човекови права Ела Памфилова, поранешна правобранителка. Таа неодамна изјави дека во петте месеци, олку што е на чело на комисијата, се преземени „низа превентивни мерки“ против можните неправилности во текот на предизборната кампања. Ги предупреди париските функционерите и бирократите да не вршат притисок врз гласачите и да не се мешаат во работата на набљудувачите, заканувајќи се со затворски казни.
Зајакната е и борбата против корупцијата и последните седмици се случија апсења на неколку високо позиционирани личности. На почетокот од септември беше уапсен и шефот на одделот на министерството за внатрешни работи за борба против корупцијата Дмитриј Захарченко, кај кого се пронајдени 140 милиони долари во готовина.
Политичката слика во Русија по овие избори, судејќи според се нема да се промени позначително, имајќи предвид дека патриотизмот е во пораст, медиумите се во тој контекст и наклонети кон власта, а сериозна опозиција речиси и да не постои. Но се очекува, во прв ред Западот да добие процена дали Путин ќе се кандидира во 2018 година на претседателските избори, но уште повеќе дали и дали можат да му обезбедат уште десет години на власт./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.