Европа
Најден автомобилот со кој избегале напаѓачите во Копенхаген, целат најверојатно карикатуристот
Припадниците на данската полиција го пронашла напуштениот автомобил со кој побегнале двајцата напаѓачи кои отворија оган во културен центар во центарот на главниот град Копенхаген каде што се одвиваше трибина за исламот и слободата на изразување при што беше убиено едно лице а ранети беа тројца полицајци, а во меѓувреме нападот е оценет како „терористички чин“ и постојат сомневања дека цел на нападот бил контроверзниот шведски карикатурист Ларс Вилкс, кој и во минатото беше цел на закани и напади поради објавување карикатури со пророкот Мухамед.
Во саботата во Копенхаген во комплекс во кој се одржуваше трибина со учество на амбасадорот на Франција во Данска и шведскиот уметник Ларс Вилкс, кој е под постојана полициска заштита откако во 2007 година објави карикатури на пророкот Мухамед претставен како куче што предизвика гневни реакции во муслиманскиот свет, двајца напаѓачи отворија оган врз кафулето „Крудтенден“ (Буре барут) и потоа успеале да избегаат со автомобил марка „фолксваген“. Данската полиција соопшти дека интензивно трага по напаѓачите, а сите излези на Копенхаген се блокирани.
Гостинот од Шведска и францускиот амбасадор Франсоа Зимере не се повредени во нападот. Организаторката на дебатата, Хели Мирет Брикс, за AFP изјави дека главна цел на нападот бил карикатуристот Вилкс.
Во јули 2009 година, тогашниот челник на меѓународната терористичка организација Ал Каеда во Ирак, Абумар ал-Багдади, сега на водач на џихадистичката Исламска држава, вети награда од 150 илјади долари за оној што ќе го убие шведскиот карикатурист Ларс Вилкс. Карикатуристот го навлече на себе бесот на Ал Каеда поради сатиричните карикатури кои ги објави во 2007 и во 2009 година, а кои муслиманскиот свет ги окарактеризира како „сквернавење на Исламот“. Ал-Багдиди тогаш потенцира=е дека „за убиството на Вилкс ќе плати 100.000 долари, а во случај тој да биде заклан како јагне, ќе бидат исплатени 150.000 долари“. Ал Каеда тогаш, исто така, вети и 50.000 долари за убиство на уредникот на шведскиот весник Nerikes Allehanda, кој ги објави карикатурите.
Претставници на данската полиција во разговор за Reuters во саботата не ја отфрлија можноста дека станува збор за терористички акт, и оттаму отворила соодветна истрага.
Данската премиерка Хеле Торнинг-Шмит изјави претходно дека престрелката во културниот центар во Копенхаген е „терористички чин“. „Денеска Данска претрпе циничен акт на насилство. Сите индикации укажуваат дека пукањето имало политички мотив, и оттаму нападот претставува терористички чин“, се вели во писмената изјава на Торнинг-Шмит.
Францускиот амбасадор Зимере изјави дека нападот во Копенхаген е многу сличен на нападот врз редакцијата на сатиричниот магазин Charlie Hebdo од 7-ми јануари кога беа убиени 12 лица, кој го извршија браќата Каши кои објавија дека станува збор за одмазда поради објавувањето на карикатурите на пророкот Мухамед. „Целта на нападот е иста како и при нападот врз Charlie Hebdo“, изјави претходно францускиот дипломат во телефонската изјава за AFP./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.