Европа
Најмалку 140 мртви во терористичките напади во Париз
Најмалку 100 луѓе се убиени во заложничката криза во концертната сала „Bataclan“, каде што ја доцна ноќта пристигна претседателот Франсоа Оланд, а уште 40 луѓе загинале во другите од серијата терористички напади извршени ноќта во петокот во француската престолнина Париз, пренесуваат агенциите повикувајќи се на полициски и извори во градските власти.
Париската полиција објави дека биле извршени седум симултани терористички напади на територијата на француската престолнина. Според претходните извештаи, речиси сите места на нападите се наоѓаат на десниот брег од реката Сена. Засега се познати терористичките акти во концертната сала „Bataklan“, камбоџанскиот ресторан „Petit Cambodge“ во близина на Плоштадот на Републиката, и во неколку улици од овој плоштад кон Плоштадот Бастилја. Една од двете или трите експлозии во близина на „Stade de France“ во предградието Сен Дени, на кој се играше пријателскиот фудбалски натпревар меѓу селекциите на Франција и Германија, на кој присуствуваше претседателот Франсоа Оланд.Екстремната сунитска терористичка организација Исламска држава ја презема одговорноста за смртоносните напади во Париз, но засега не е потврдена автентичноста на оваа објава,Како што пренесува агенцијата AFP, за време на акцијата на специјалните сили на француската полиција за ослободување на заложниците во салтата „Bataclan“, биле убиени тројца терористи. Според, телевизијата BFV, двајца од терористите се кренале во воздух. Претходно очевидци изјавија дека напаѓачите за време на ладнокрвното стрелање врз заложниците извикувале во чест на Алах и порачувале „Ова е за Сирија“.Пукањето во салата „Bataclan“ започна во петокот доцна вечерта, во текот на настапот на познатиот американски метал бенд Eagles of Death Metal. Капацитетот на салата изнесувал 1.500 гледачи, а според организаторите сите влезници за вечерта биле продадени. Откако започнал нападот, гледачите кои не успеале да избегаат биле земени како заложници, а властите донеле одлука кризата да ја разрешат со напад на полициските специјалци.Кусо по полициската акција, концертната сала ја посети францускиот претседател Франсоа Оланд кој во изјавата за новинарите потврди дека напаѓачите се ликвидирани. „Франција ќе води немилосрдна борба со терористите“, порача притоа Оланд, придружуван од премиерот Мануел Влас, министрите за внатрешни работи и за правда, Бернард Казнев и Кристијан Тобира. Претходно шефот на државата најави затворање на француските граници и воведување вонредна состојба во главниот град.Истовремено во другите напади во Париз се убиени уште 40 луѓе. Многумина од се уште непознатиот број ранети, се наоѓаат во критична состојба, соопштиле извори во безбедносните служби.Во меѓувреме Елисејската палата објави дека ноќта кон саботата се мобилизирани дополнителни војници како обезбедување на стратешките точки и другите квартови на главниот град. Претходно во телевизиското обраќање до нацијата, претседателот Оланд изјави дека властите на републиката „ги мобилизираат сите можни сили за неутрализација на терористите и да ја осигурат безбедноста во сите квартови, кои може да бидат под закана“. „Исто така, побарав воено засилување, и тоа веќе е распоредено на подрачјето на Париз“, додаде./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.
Европа
Украина се обидува да ја убеди Индија да застане на страната на Киев, а не на Москва
Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.
Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.
Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.
Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.
Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.
Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.
Русија ја отфрли таа украинска дипломатска иницијатива.