Европа
Најмалку пет жртви во експлозија во фабрика за пиротехника во Шпанија
Најмалку пет луѓе ги загубиле животите во силната експлозија која се случила во фабрика за пиротехнички материјали и кибрити во близина на североисточниот шпански град Сарагоса, главен град на автономната единица Арагон, објавија локалните власти.
Покрај жртвите, уште шест лица со повреди се пренесени во болница. Тројца настрадани се во тешка состојба, пренесува агенцијата EFE повикувајќи се на припадникот на противпожарната екипа, Армандо Сестера. Додал дека едно лице починало на пат за болницата, а дека сите лица кои претходно се сметани за исчезнати се пронајдени.
Според претставниците на фабриката „Pirotecnia Zaragozana“, во погоните лоцирани во предградие недалеку од аеродромот, имало 43 работници. Портпаролката на локалната служба за вонредни ситуации изјавила дека експлозијата се слушнала во поголемиот дел од Сарагоса.
Полицијата во понеделникот вечерата од безбедносни причини го зголемила сигурносниот периметар, поради тоа што во фабричкиот круг сé уште горат камиони, во кои може да има експлозиви и запаливи материи.
Градоначалникот на предградието Гарапиниљос, место со пет илјади жители на девет километри од Сарагоса, Луис Мигел Рода, изјавил дека сé уште нема сигурна потврда дали е оштетена зградата на фабриката. Истакнал дека таа е далеку од населените места, како и дека причината за експлозијата засега е непозната.
Фабриката е основа во 1860 година и се смета за една од најголемите од овој вид во Шпанија. Нејзините производи се продаваат во Велика Британија, Германија, Данска, Франција, Белгија, Холандија, Швајцарија и Канада.
Електронското издание на весникот El Pais истакнува дека во последните 25 години над 110 луѓе загинале и многу повеќе биле повредени, во експлозиите во фабрики за пиротехника ширум Шпанија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.