Европа
НАТО тврди дека уште има руски сили во Украина
Американскиот генерал Филип Бридлав, главниот командант на силите на НАТО во Европа, изјави во сабота на средбата на Алијансата во Вилнус дека руски сили сѐ уште има на украинска територија, што Москва во повеќе наврати го негираше.
„Кога станува збор за руските вооружени сили на теренот, да, тие сѐ уште се во Украина.“, изјави генералот Филип Бридлав за новинарите, притоа непрецизирајќи ја како досега нивната бројност. Пред десет дена во серијата исти соопштенија на НАТО се споменуваше бројка од четири илјади руски војници во Украина. „Непрекинатиот доток на руски и проруски сили преку границата, нивните доаѓања и заминување, ја чини речиси невозможна процената на нивниот број“, истакна Бридлав.Бридлав, исто така, истакна дека договорот од 5-ти септември за прекин на огнот во источна Украина „постои само на хартија“, и дека „она што се случува на теренот се сосема поинаква приказна“. „Но се надеваме дека тоа ќе се промени“, додаде американскиот генерал без да наведе кој го крши прекинот на огнот, за што инаку меѓусебно се обвинуваат двете завојувани страни во Украина.Во текот на дводневната средба во Вилнус, врховните воени команданти на 28-те земји членки на НАТО разговараа за регионалната безбедност и односите со Русија.Генералот Бридлав дополни дека очекува позитивни резултати од меморандумот, кој нота кон саботата во белоруската престолнина Минск по седумчасовни преговори го потпишаа претставниците на прозападните власти во Киев и проруските бунтовници од истокот. Меморандумот претпоставува прекин на огнот и воспоставување демилитаризирана зона во длабочина од 30 километри од линијата на фронтот во рок од 24 часа. Договорено е, исто така, да не се користи тешкото вооружување во населените области, и се забранува надлетување на борбени и беспилотни летала над демилитаризираната зона која ќе ја набљудува Организацијата за безбедност и соработка во Европа (ОБСЕ)./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.