Европа
Норвешка ги враќа бегалците во Русија
Норвешка, во согласност со новите прописи што ги воведе, во Русија со автобуси ќе испрати околу 60 бегалци и имигранти кои влегле од оваа земја, а се очекува дека наскоро ваквата судбина ги чека уште 5.500 имигранти.
Многу имигранти во текот на минатата 2015 година ја минале арктичката граница со велосипеди, кога во Норвешка стигна бран бегалци од областите зафатени во војните, главно од Сирија.
Бегалците, главно од Сирија, влегле во Норвешка преку граничниот премин Стурскуг од Русија, најчесто со велосипед. Рускиот закон, имено, забранува минување на границата пешки, а норвешкиот закон, пак, им забранува на возачите во автомобилите да превезуваат лица кои немаат валидни документи, па затоа бегалците избирале велосипеди.
Норвешка во ноември извести дека веднаш ќе ги депортира лицата кои во земјата пристигнале од земјите коишто се сметаат за сигурни. Првиот автобус со бегалци од кампот во градот Киркенес треба наскоро да тргне кон Русија. Одлуката следеше откако Русија се согласи Норвешка да ги врати со автобус имигрантите кои имаат руска виза, а тоа се главно Сиријци.
Благодарејќи на добрите односи меѓу Москва и Дамаск, Сиријците можат лесно да добијат виза за влез во Русија преку која влегуваат во Норвешка, една од најбогатите европски држави која е членка на Шенгенската зона на слободното движење на луѓе, иако не е членка на Европската унија.
Норвешка претходно ги враќаше имигрантите со велосипеди, поради споменатите прописи, а таквите потези беа жестоко критикувани од групите за заштита на човековите права, бидејќи дневната температура во пограничната област се симнува до минус 30 Целзиусови степени./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.