Европа
ОБСЕ го потврди гранатирањето на руски граничен премин од Украина
Од Организацијата за безбедност и соработка во Европа (ОБСЕ) го потврдија гранатирањето на рускиот граничен премин „Гуково“ во Ростовската област, во моментов кога набљудувачи на организацијата биле во инспекција, за што претходно извести Јужната царинска управа.
„Вистина е. Нашите соработници слушнале звук од артилериски проектил или нешто слично. Овој инцидент не ја попречи работата на нашите претставници. Тие и натаму се наоѓаат на местото и никој не настрадал“, изјави за Итар-Тасс, портпаролот на ОБСЕ, Шив Шарма.Претходно портпаролот на пограничната управа на ФСБ, Василиј Малаев изјави дека на територијата на пограничниот премин експлодирала граната истрелана најверојатно во текот на борбените дејствија кои се водат на украинската територија. „Гранатата експлодираше околу 13.55 часот по московско време. Во тие моменти, на граничниот премин покрај припадниците на царинската служба и на граничната полиција, имаше и претставници на мисијата на ОБСЕ. Нема повредени“, изјави Малаев додавајќи дека штетите на инфраструктурата на граничниот премин ќе бидат евидентирани по престанокот на борбите од украинска страна.„Веројатно станува збор за граната. Кратерот е со размери од 40 сантиметри во дијаметар и 20 сантиметри во длабочина“, изјави портпаролот на Јужната царинска управа Рајан Фарукшин.Постојаниот совет на ОБСЕ на 24-ти јули донесе одлука за формирање и испраќање набљудувачка мисија на руско-украинската граница. Според нејзиниот мандат, цивилните набљудувачи се разместени на граничните премини „Донецк“ и „Гуково“ во Ростовската област во Русија каде ќе вршат контрола дали од руска страна се префрлаат оружје и луѓе како поддршка за проруските бунтовници во источна Украина, како што тврдат Киев и Западот. Москва, пак, по низата слични гранатирања на нејзините гранични премини во кои еден маж загина а две жени беа ранети, предупреди дека „соодветно е одговори“. Мисијата на ОБСЕ ќе трае три месеца, со можност да биде продолжена./крај/мф/сн
Извор: Итар-Тасс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.