Европа
ОБСЕ: Сите камиони од рускиот хуманитарен конвој се вратија од Украина
Сите камиони од рускиот хуманитарен конвој кој се движеше по територијата под контрола на проруските бунтовници во источна Украина се вратиле во саботата во Русија, соопштија набљудувачите од мисијата на Организацијата за безбедност и соработка во Европа (ОБСЕ).
Сите камиони од рускиот хуманитарен конвој кој се движеше по територијата под контрола на проруските бунтовници во источна Украина се вратиле во саботата во Русија, соопштија набљудувачите од мисијата на Организацијата за безбедност и соработка во Европа (ОБСЕ).
Во телефонскиот разговор за AFP, Пол Пикар, шефот на набљудувачката мисија на ОБСЕ н пограничниот премин во близина на истоимениот рускиот град Донецк, преку кој преминуваше конвојот, изјави дека „целиот конвој се вратил“.
„Пребројавме 220 возила коишто денеска (сабота) се вратија, покрај седумте кои се вратија уште во петокот“, додал Пол Пикар. Според него, последните камиони минале преку границата во 10 часот по локално време, однос 12 часот по средноевропско време.
АFP забележува дека набљудувачите на ОБСЕ пребројале само 227 камион кои во шест групи ја минале границата, според соопштението во петокот, иако Русија најави дека во конвојот има 280 возила со над 1.800 тони хуманитарна помош во лекови, прехранбени продукти, храна за бебиња, вода за пиење, вреќи за спиење и генератори кои од 14-ти август чекаа да влезат на украинска територија и да го достават товарот во Луганск, еден од двата најголеми центри на бунтот на рускојазичното население во источна Украина. Руската државна телевизија објави дека камионите биле истоварени во градот во текот на вечерта и ноќта во петокот.
Портпаролот на операцијата на украинската армија во источните региони во земјата, Андриј Лисенко за Reuters потврдил дека руските камиони го минале истиот граничен премин преку кој влегоа во украинското погранично место Изварине. Според него, не е направен никакво преглед на конвојот на излегување од страна на украинските граничари или цариници.
Претходно РИА Новости објави дека руските цариници прават преглед на камионите од конвојот кои се враќаат од Украина откако ја доставија пратката хуманитарна помош.
Киев и неговите западни поддржувачи соопштија дека рускиот конвој влегол на украинска територија без одобрување на украинските власти и на Меѓународниот комитет на Црвениот крст. Меѓутоа, руското министерство за надворешни работи објави дека украинското министерство за надворешни работи дало дозвола уште на 12-ти август кога биле прецизирани начините на проверка и доставување на помошта меѓу двете министерство и Црвениот крст. Притоа, Москва потсети дека цела седмица украинските граничари и цариници вршеа проверка на конвојот на рускиот граничен премин „Донецк“.
Веднаш штом беше објавено дека рускиот конвој се вратил во Русија, портпаролката на тамошното министерство за надворешни работи изрази чудење што САД не се огласиле уште во врска со тоа, откако претходната ноќ го осудија неговото влегување во Украина и се заканија со уште поостри санкции против Москва.
„Необично е што Вашингтон, кој секогаш се фали со своите напредни системи за извидување, се уште не знае дека рускиот хуманитарен конвој ја напушти украинската територија и дека во моментов се враќа во Русија“, изјави заменичката портпаролка на руската дипломатија, Марија Захарова, пренесе РИА Новости.
„Се надеваме дека САД ќе бидат одлучни и во повикувањето на моментално примирје меѓу конфронтираните страни во Украина, како што беа во врска со хуманитарната помош“, порача Захарова./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Кремљ за евентуалното блокирање на „Телеграм“: „Сè повеќе станува алатка во рацете на терористите“
Портпаролот на Кремљ, Дмитриј Песков, денеска изјави дека во моментот не се планира блокирање на социјалната мрежа „Телеграм“ во Русија.
„Не, во моментот нема такви планови“, изјави Песков за каналот „Шот“ на прашањето дали Русија планира да го блокира „Телеграм“.
Тој додаде дека основачот на оваа платформа, Павел Дуров, треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација сè повеќе станува алатка во рацете на терористите, се користи за терористички цели“, рече портпаролот на Кремљ, пренесува „РИА новости“.
Како што изјави во средата за „РИА новости“ извор запознаен со ситуацијата, сторителите на терористичкиот напад во предградието на Москва биле регрутирани преку каналот на „Телеграм“, „Глас Хорасан“, сопственост на авганистанското крило на Исламската држава.
Пратеникот на државната Дума од Обединета Русија, Олег Морозов, денеска оцени дека е неопходно да се развие механизам за автоматско блокирање на каналите на „Телеграм“, кои регрутираат терористи користејќи клучни зборови користејќи вештачка интелигенција.
Европа
Шолц: Мирот во Украина е можен во секој момент, само ако Путин ги повлече своите војници
Германскиот канцелар Олаф Шолц изјави денеска дека мирот во Украина е можен во секој момент доколку рускиот претседател Владимир Путин ја прекине својата, како што наведе, варварска кампања и ги повлече војниците.
Шолц за „Маркише Агемајне цајтунг“ изјави дека секогаш имало иницијативи за посредување.
„На пример, веднаш по избувнувањето на војната, Русија и Украина директно преговараа меѓу себе. Преговорите потоа пропаднаа затоа што Русија ги искористи само како изговор за истовремено да ги премести своите трупи на исток за голема офанзива“, посочи тој.
Како што тврди, токму тогаш на виделина излегле масакрите во Буча и Ирпин, злосторства против човековите права извршени од страна на руските вооружени сили врз цивилното население, со што разговорите се лишени од секаква основа, пренесува медиумот.
„Малку подоцна се разговараше за договорот за жито, со успех. За жал, Путин во одреден момент повторно го откажа“, додаде Шолц.
Тој изјави дека имало разговори и за безбедноста во нуклеарната централа „Запорожје“ и за размена на затвореници.
„Голем број земји, вклучително и Украина, во моментот разговараат на ниво на советници за безбедност за тоа што би можело да изгледа како нешто што може да доведе до мировен процес, но дозволете ми да бидам многу јасен: мирот е можен во секое време. Путин само треба да стави крај на неговата варварска кампања и да ги повлече трупите“, истакна Шолц.
Европа
В недела голем тест за Ердоган: ќе успее ли „султанот на Турција“ повторно да ја освои власта во Истанбул и Анкара
В недела во Турција ќе се одржат општински избори, а во оваа пригода партијата на претседателот Реџеп Таип Ердоган (АКП) ќе се обиде да ја врати контролата врз Истанбул и Анкара, градови што гласаа против АКП во 2019 година.
Аналитичарите тврдат дека овие избори ќе бидат мерка за поддршка на Ердоган на национално ниво, но и за силата на опозицијата, особено на градоначалникот на Истанбул, Екрем Имамоглу. Според „Ројтерс“, се очекува тесна трка за градот Босфор, кој е дом на повеќе од 16 милиони луѓе и придонесува повеќе од една четвртина од националниот БДП.
На последното локално гласање во 2019 година главната опозициска Републиканска народна партија (ЦХП) го изненади Ердоган кога преовлада во Истанбул и Анкара ставајќи крај на повеќе од две децении владеење на АКП и нејзините исламистички претходници.
Главниот противник на актуелниот градоначалник на Истанбул, пратеникот на ЦХП, Имамоглу, е членот на АКП, Мурат Курум, поранешен министер во кабинетот, а анкетите покажуваат мала предност за Имамоглу. Анкетите велат дека актуелниот градоначалник на Анкара, Мансур Јавас, е далеку пред противникот на АКП, Тургут Алтинок, поранешен претседател на општина во тој град.
Речиси 11 милиони луѓе имаат право на глас во Истанбул, според Врховниот изборен совет. Одѕивот на општите и локалните избори е многу висок во Турција, речиси 90 проценти. Минатиот мај Ердоган беше реизбран за претседател и неговата алијанса освои мнозинство во парламентот на тесни општи избори, резултат што, според „Ројтерс“, ја поделил и деморализирал алијансата ЦХП и другите опозициски партии.
Буџетот на Истанбул е многу поголем од сите други 80 града во земјата со 516 милијарди лири (16,05 милијарди долари) во 2024 година вклучувајќи ги и нејзините подружници, а буџетот за главниот град Анкара, од друга страна, е 92 милијарди лири.
Освен во Истанбул и Анкара, резултатите се очекува да бидат блиски и во градовите Бурса, Адана и Анталија. В недела Турција ќе гласа и во другите 79 провинции во земјата за лидери и окружни шефови на провинции, окружни совети и локални администратори.