Европа
Одложено гласањето во ЕП за Трансатланскиот трговски договор
Претседателот на Европскиот парламент, Мартин Шулц, во вторникот го одложи гласањето за препораките на Европската комисија (ЕК) за преговорите околу слободната трговија меѓу Европската унија (ЕУ) и САД, откако социјалистичките пратеници побарале во текстот да не се споменува механизмот за решавањето на споровите меѓу приватните инвеститори и државите, пренесуваат светските агенции.
Претседателот на Европскиот парламент, Мартин Шулц, во вторникот го одложи гласањето за препораките на Европската комисија (ЕК) за преговорите околу слободната трговија меѓу Европската унија (ЕУ) и САД, откако социјалистичките пратеници побарале во текстот да не се споменува механизмот за решавањето на споровите меѓу приватните инвеститори и државите, пренесуваат светските агенции.
Расправата за текстот на резолуцијата ќе се одржи во среда претпладне, како што тоа и беше предвидено, но гласањето кое требаше потоа да следи е одложено. Шулц ја искористил можноста која му ја овозможува правилникот, а со која се предвидува дека гласањето може да се одложи во случај кога има премногу амандмани на некој текст.
Сега Комисијата за меѓународна трговија треба да ги разгледа 116-те амандмани кои се поднесени и да предложи кои од нив можат да бидат ставен на гласање на пленарната седница. Следниот состанок на Комисијата за меѓународна трговија треба да се одржи на 15-ти и 16-ти јуни во Брисел.
Кон крајот на мај, главните политички групи во Европарламентот постигнаа компромис и на Комисијата за меѓународна трговија го изгласаа предлогот на препораки кои Комисјата требаше да ги следи во преговорите со Американците.
Во името на 28-те земји членки преговара Европската комисија, која за ова го известува Европскиот парламент, кој, пак, заедно со земјите членки одлучува за конечниот текст на договорот. Меѓутоа, социјалистите дополнително поднесоа амандман во кој бараат од Трансатлантскиот трговски договор, попознат како ТТИП, да се отфрли механизмот за решавањето на споровите меѓу инвеститорите и државите.
Механизмот за решавањето на споровите, познат како ИСДС, според мислењето на многумина, би им овозможил на големите корпорации да ги заобиколат судовите на државите членки во случаите кога поднесуваат тужби поради тоа што сметаат дека им се загрозени инвестициите. Социјалистите со ова сега ја условуваат својата поддршка за резолуцијата.
Европската народна партија (ЕПП) се согласува со барањата кои бараат реформи на овој механизам, не го поддржуваат барањето за укинување на механизмот. Сите политички групи во Европскиот парламент начелно го поддржуваат потпишувањето на договорот на САД, но отпорот кон овој механизам е сé поголем, бидејќи тој им да дава на некои полуприватни арбитражни судови поголема моќ отколку онаа на државите членки.
Еден од познатите случаи во врска со овој механизам е тужбата на американскиот тутунски гигант „Филип Морис“ против Австралија, која во рамките на борбата против пушењето воведе еднообразно пакување на сите цигари.
Еврокомесарот за трговија, Сесилија Малстром, пак, предложи воспоставување траен меѓународен суд, кој би ги заменил билатералните арбитражни судови./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.