Европа
Оланд и Рахој го предупредија Камерон дека мора да се почитуваат начелата на ЕУ
Францускиот претседател Франсоа Оланд и шпанскиот премиер Маријано Рахој, предупредија во четвртокот доцна вечерта на самитот на Европската унија во Брисел, дека начелото на слободното движење на луѓето во 28-члениот блок мора да се почитува, како и дека земјите надвор од еврозоната не смеат да го попречуваат натамошното интегрирање на монетарната унија.
Челниците на земјите и владите на членките на Европската унија во четвртокот вечерта ги започнаа разговорите со британскиот премиер Дејвид Камерон за британските барања за договор за реформи во ЕУ, кои Лондон сака да ги постигне пред да излезе на референдумот за останување или излегување од Унијата, предвиден да се одржи до крајот на 2017 година. „Најкомплицирани се прашањата кои се однесуваат на еврозоната и бенефициите кои ги уживаат европските работници. Може да има прилагодувања, но европските правила и принципи мора да се почитуваат“, изјави за новинарите францускиот претседател Франсоа Иланд во врска со четирите британски барања за реформи и расправаа во врска со ткн „Брегзит“ ја нарече „отворена и искрена“.Истовремено и шпанскиот премиер Маријано Рахој оцени дека европските челници имале конструктивна дебата со британскиот премиер Дејвид Камерон за условите за британското останување во ЕУ, но и тој истакна дека не смее да има дискриминација кон европските работници мигранти, како и дека слободата на движењето на луѓето како темелна вредност на Европската унија мора да биде зачувана.Рахој, исто така, по дебатата изјави дека верува во пронаоѓање такво решение на барањето на Камерон на европските мигранти да им се ускратат бенефициите во текот на првите четири години, коишто истовремено ќе осигурат еднаков третман за сите работници и слободно движење на луѓето.Камерон ги побра овие мерки за да ја ограничи имиграцијата од земјите на ЕУ пред референдумот. Обраќајќи им се во четвртокот вечерта на европските челници, во најдолгиот говор што го одржа во текот на неговото петгодишни учество во Европскиот совет, Камерон истакна дека доколку тие сакаат Британија на референдумот да се одлучи за останување во ЕУ, мора да одговорат на загриженоста на британските гласачи во врска со имиграцијата. „Нивото на имиграцијата кое го доживеавме во релативно кус период е без преседан, вклучително и притисоците врз локалните заедници и врз јавните служби. Тоа предизвикува голема загриженост кај Британците и ја поткопува поддршката за останување во ЕУ“, истакна Камерон додавајќи дека е потребно да се најде ефикасен одговор на овој проблем.Претседателот на Европскиот совет Доналд Туск изјави претходно дека е остварен добар напредок во врска со три од четирите британски клучни барања за реформи, но дека токму тој четвртиот, ускратувањето на четиригодишните бенефиции за работниците имигранти, според него е „многу тежок“.Предлогот на Камерон имигрантите од земјите од ЕУ во Велика Британија да мора да чекаат четири години за да добијат соодветни бенефиции како работници имигранти, а станува збор за додатоци на платата за лицата на послабо платените работи, наиде на широки критики и оцена дека претставува кршење на европските закони кои ја спречуваат дискриминацијата. Така, четирите земји од ткн Вишеградска група – Полска, Унгарија, словачка и Чешка, најавија дека ќе отфрлат секаков британски предлог кој би ги менувал законите на ЕУ, а би значеле дискриминација на нивните државјани или ограничување на слободата на движењето./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.