Европа
Опозицијата тврди дека Немцов имал докази за руска вмешаност во Украина
Рускиот политичар во опозиција Борис Немцов, убиен во петокот околу полноќ во Москва, собирал докази за присутност на руски војници во Украина, кои се подготвувал да ги објави, тврдеше во понеделникот опозиционерот Илја Јашин.
„Имаше докази. Зборуваше дека е во контакт со семејствата на руските војници убиени во Украина“, изјави Илја Јашин, кој го води опозициското движење Солидарност за опозициската телевизија Дожд, како близок пријател на убиениот поранешен прв вицепремиер и министер за енергетика Борис Немцов. Јашин рече и дека сега стравува дека тие докази никогаш нема да бидат објавени.
Западот и Киев ја обвинуваат Москва дека со војници и оружје ги помага рускоајзичните бунтовници во источна Украина, што оваа решително го негира и бара докази за таквите тврдења. Меѓутоа, ниту руските челници, ниту проруските бунтовници негираа дека има случаи кога активни и поранешни припадници на руските сили доброволно „на своја рака“ одат да се борат на страната на своите сонародници во источните украински региони.
„Не знам како ги добил тие информации. Иследниците дојдоа кај него два часа по убиството и во неговата канцеларија следниот ден. Однесоа документи и канцелариите сега се блокирани“, рече во продолжение Јашин.
Според него, тие информации требало да бидат собрани во извештај под наслов „Путин и војната“ кои наводно Немцов имал намера да ги објави, за што му навестил два дена пред убиството. „Мислам дека доколку успееше да го заврши тој извештај, тоа ќе предизвикаше сензација“, изјави Јашин.
Инаку Борис Немцов главно ја критикуваше корупцијата на руските власти и објави неколку извештаи посветени на корупцијата, од кои еден за корупција при подготовката на Зимските олимписки игри зимата 2014 година во Сочи, но кој не предизвика посилни реакции ниту во Русија, ниту во меѓународната јавност.
Во неделата Немцов требаше да зборува на протестен собир против економските политики на власт во однос на антикризните мерки што ги воведува како резултат на западните санкции наметнати поради наводната руска вмешаност во украинската криза./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.