Европа
Орбан е решителен да ги одбие задолжителните квоти за мигрантите
Блокирањето на задолжителните квоти за прифаќање на мигрантите ќе биде приоритет за унгарската влада во претстојниот период, изјави во понеделникот унгарскиот премиер Виктор Орбан во унгарскиот во понеделникот.
Унгарскиот кабинет ќе се сретне во средата за да разговара за тоа како да се спречи тој „обид Брисел редовно и во голем број да ги релоцира во Унгарија луѓето со коишто Унгарците не сакаат да живеат“, изјави премиерот Виктор Орбан поднесувајќи им го на пратениците извештајот за минатонеделниот самите на Европската унија.
Следниот самит на ЕУ планиран за март ќе покаже дали земјите членки ќе го прифатат автоматското примање на мигрантите, рекол Орбан. Новата одредба би била 2стандарден механизам, кој во Унгарија постојано би испраќал мигранти кои таа не сака да ги прими и кои сега ги запира на своите јужни граници“, додал.
Важен пресврт на самитот, истакнал унгарскиот премиер, ќе биде тоа што европските челници првпат ги прифатија унгарскиот пристап за цела Европа и се согласија дека сопирањето на мигрантите е приоритет Јасно е кажано дека надворешните граници ЕУ мора да ги заштити, додека досега на прво место беа заштитата на бегалците и хуманитарните причини, продолжил Орбан, оценувајќи дека ЕУ во моментов се наоѓа во фаза во „којашто требаше да биде пред една година“.
Државите од ткн балканската мигрантска рута, вклучително и Австрија, започнаа да се „движат по патот на разумот“, смета унгарскиот премиер. Истакнал, исто така, дека физичките препреки на границите мора да бидат зајакнати и можеби продолжени, иако неговата влада сé уште не донела одлука за тоа.
Во врска со преговорите со Велика Британија, Орбан рекол дека правилата за слободното движење на луѓето се заштитени благодарејќи на земјите од Вишеградската група (покрај, Унгарија, и Полска, Чешка и Словачка з.р.). и дека и натаму тие ќе важат за целата Европска унија и за сите нејзини граѓани.
Споменатите земји, според Орбан, го сочувале на и правото на социјален надомест за работниците кои веќе плаќаат придонеси во британскиот систем да не треба да бидат погодени со промените, појаснувајќи дека се спорни надоместоците за граѓаните од другите држави членки кои не ги плаќаат придонесите во Велика Британија. Но, дури ниту тие нема да ги загубат надоместоците, туку тие ќе бидат само суспендирани и тоа само доколку тоа биде оправдано, толкувал пред унгарските пратеници. Додал дека, исто така, новите правила нема да важат за работниците кои секојдневно патуваат на работа во друга земја членка на ЕУ.
Унгарскиот премиер појаснил и дека надоместоците за децата исто така ќе останат на сила, но во случаите кога децата живеат во својата матична држава а не во Велика Британија ќе бидат индексирани според стандардите на државата во којашто живеат. Тоа, како што рекол Орбан, се однесува на околу 220 унгарски случаи.
Орбан рекол дека се договорени сит промени кои биле можни без промена на Договорот за ЕУ, како и дека сега Британците треба да одлучат дали сакаат да останат во Европската унија. За Унгарија претставува чест да биде во иста заедница во Велика Британија и би била среќна кога таа би останала, заклучил Орбан./крај/мф/сн
Извор: Hina/MTI
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.