Европа
Осомничената терористка од Париз се наоѓа во Сирија
Осомничената за учество во терористичките напади во Франција изминатите денови, Ајат Бумедиен, ја минала границата меѓу Турција и Сирија уште на 8-ми јануари, објави во саботата радиото RTL, а низ цела Франција во саботата се собраа повеќе десетици луѓе во поворките во сеќавање на жртвите во нападите од претходните три дена.
Според информациите на радиото таа на 2-ри јануари резервирала авионски билет од Мадрид за Истанбул. Според тоа, Ајат Бумедиен тешко дека можела да биде директно вклучена во злосторствата коишто се одиграа во француската престолнина Париз уште од средата следните неколку денови.
Осомничената 26-годишна соучесничка на Ахмад (Амеди) Кулибали, осомничен за убиството на полицајката во квартот Монруж во четвртокот и за заложничката криза од петокот во 20-от арондисман на Париз во кошер супермаркет кога беше убиен, Бумедиен во моментов според медиумите е „најбараната жена на територијата на Франција“.
Во трите дена насилство во Париз во најлошиот напад врз француската внатрешна безбедност кој започна во средата со нападот врз редакцијата на сатиричниот неделник Charlie Hebdo, загинаа 17 лица без тројцата напаѓачи кои беа исто така убиени. Оваа криза заврши во петокот со полициските операции врз печатницата во гратчето Демартен-ан-Гоел во која беа сокриен браќата Саид и Шариф Каши, и Ахмад Кулибали во кошер продавницата во Париз. Дванаесет лица беа убиени во средата во редакцијата на Charlie Hebdo од кои двајца полицајци, млада сообраќајна полицајка загина во четвртокот, а четири заложници беа убиени во заложничката криза во продавницата во петокот.
Француските безбедносни сили во петокот и натаму немаат официјални сознанија каде се наоѓа Бумедиен чијашто фотографија целосно замотана во зар од кој ѝ се гледаат само очите се прошири низ социјалните мрежи. Фотографијата е сосема поинаква од онаа што ја објави весникот Le Monde на барање на француската полиција која покажува млада жена со темна коса и речиси детско лице, којашто во 2010 година била испрашувана од полицијата во врска со нејзиниот партнер.
Ајат Бумедиен се сомничи дека директно е вклучена во убиството на полицајката во четвртокот во Монруж, на јужната периферија од Париз, како и во заложничката криза во кошер супермаркетот во петокот.
Пет лица и натаму остануваат во притвор во врска со споменатите напади, пишува дневниот весник Le Monde. Нивните идентитети не се соопштени.
Во меѓувреме терористичката организација Ал Каеда на Арапскиот полуостров (AQAP) чиешто седиште е во Јемен, ѝ се закани на Франција со нови напади доколку не престане да се бори против исламот и неговите симболи. „Нема да бидете сигурни додека се борите против Алах и неговите пратеници, како и против верниците“, порача верскиот водач на AQAP, Арит ал-Надари во видео порака.
Повеќе десетици илјади луѓе во саботата во тивките поворки се присетија на 17-те жртви. Во По во југозападниот дел од Франција имало најмалку 30 илјади лица во поворката, а во Орлеан повеќе од 22 илјади, додека во Ница околу 23 илјади луѓе.
Во саботата во француската престолнина и натаму се забележливи засилени полициски патроли, а на сила и натаму е највисокото ниво на антитерористичка подготвеност, пред неделното собирање на големата поворка на којашто ќе присуствуваат покрај францускиот државен и политички врв и челниците на Европската унија и на повеќе европски земји./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.