Европа
Откажани летови од и кон Франција
Стотици летови се откажани од француските аеродроми на вториот ден од штрајкот на контролорите на летови, а многу летови се одвиваат со задоцнување, јавуваат француските медиуми.
Извештаите во понеделник велат дека бројот на откажани летови е многу поголем од очекуваниот.На аеродромот „Орли“ во Париз, еден од шест аеродроми кои се погодени од штрајкот, бројот на откажани летови е околу 33 отсто. Исто толку летови се откажани и од аеродромот во Марсеј.Претходно, се сметаше дека поради штрајкот нема да бидат откажани повеќе од 20 отсто од летовите.На аеродромите во Лион, Ница, Нант и Бове, откажани се дури половина од закажаните летови.Летовите кои се одвиваат во внатрешноста на Франција, исто така, се одвиваат со големи задоцнувања.Парискиот аеродром „Шарл де Гол“ е аеродромот кој има најмногу откажани летови, а оние кои се реализираат, доцнат. Постојат извештаи кои велат дека дел од патниците се упатуваат кон своите дестинации со автобуси.Сите што во понеделник летаат од или за Франција се советуваат да ги проверат нивните летови онлајн, пред да тргнат кон аеродромот.Денеска е втор ден од штрајкот на контролорите на летови, и втор ден многу линии се откажани или летовите доцнат.Огромен број летови меѓу Велика Британија и Франција се погодени од штрајкот.Портпаролот на easyJet потврди дека 82 лета биле откажани во неделата, а 32 се презакажани. Контролорите на летови не се задоволни од бројот на вработени и технологијата која ја користат.Синдикатите забележуваат дека бројот на вработени се намалува, иако воздушниот сообраќај се зголемува. Обвинуваат дека контролорите на летање кои се пензионираат не се заменуваат со нови.Исто така, укажуваат на тоа дека работат со технологија која е децении стара , која не може да следи толку густ сообраќај како што има денеска со што директно влијае на намалување на безбедноста.И повикуваат надлените за авијација итно да вложат во подобрување на состојбите.Ryanair повторно се на чело на штрајкот и повторно ги повикаа патниците да потпишат петиција со која ги поддржуваат нивните барања. Велат дека потоа ќе ја достават петицијата до Европската комисија, па ако не ги слушаат нив, можеби ќе послушаат милион патници./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.