Европа
Откажани настапи на EODM поради изјавите дека редарите во Батаклан знаеле за терористичкиот напад
Два летни фестивалa во Франција ѝ ги откажаа настапите на американската рок група Eagles of Death Metal поради контроверзната изјава на фронтменот Џеси Хјуз дека редарите во париската концертна сала „Батаклан“ во Париз, каде што групата настапуваше кога беше извршен терористичкиот напад од ланскиот 13-ти ноември, знаеле дека се подготвува напад, пишува магазинот Rolling Stone.
Концертната сала „Батаклан“ беше една од шесте локации цели на терористичките напади, на која беа убиени 89 од вкупно 130-те жртви. Нападот за време на концертот на Eagles of Death Metal.
Во март годинава, пејачот на EODM Џеси Хјуз во интервјуто за Fox Business Network, изјави дека редарите во салата „Бакатлан“ имале инсајдерски информации дека таа вечер ќе се случи напад, па јавиле дека се болни.
Иако Хјуз се извини поради своите изјави, но организаторите на фестивалите Le Cabaret Vert и Rock en Seine најавија дека групата Eagles of Death Metal е отстранета од листата на изведувачи.
„Поради несогласувањата со некои тврдења кој ги изрече Џеси Хјуз во интервјуа за американските медиуми, фестивалите Cabaret Vert и Rock en Seine одлучија да ги откажат настапите на бендот. Се заблагодаруваме на разбирањето“, објавија во петокот организаторите на facebook.
Хјуз, пак, во друго интервју ги критикуваше строгите француски закони за контрола на вооружувањето на граѓаните, тврдејќи дека тие и овозможиле да дојде до терористичките напади.
„Дали вашата француска контрола на вооружување спаси барем еден човек во Батаклан? Доколку некој мисли дека да, би сакал тоа да го каже, бидејќи не се согласувам со тоа. Животот ги спасија најхрабрите луѓе кои некогаш сум ги видел во животот, луѓе кои свесно тргана во пресрет на можната смрт, луѓе со оружје“, рече Хјуз.
Хјуз набрзо во соопштение се извини поради тие изјави, признавајќи дека од трагедија во „Батаклан“ пати од пострауматско стресно нарушување и кошмари.
„Моите обвинувања дека некој поврзан со Батаклан играл улога во настаните од 13-ти ноември се неосновани и немаат основа и во целост ја преземам одговорноста за нив. Несим свој од тој настан. Понизно молам за пршка од жителите на Франција, работниците и обезбедувањето во Батаклан, обожавателите, семејствата, пријателите и сите кои сум ги навредил или повредил со својата бесмислена изјава“, наведе пејачот.,
Во моментов групата Eagles of Death Metal е на турнеја по Северна Америка, а европската ја започнуваат на 9-ти август во Полска, а кон крајот на месецот требаа да ги имаат двата настапа во Франција./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.