Европа
Папата тажен поради цивилното партнерство на две поранешни монахињи
Поглаварот на Римокатоличката црква папата Франциск го растажила веста дека две поранешни чесни сестри склучиле цивилно партнерство во Италија, изјави заменикот на ватиканскиот државен секретар надбискупот Џовани Анџело Беччу во петокот.
„Колку тага имаше на лицето на Папата кога му ја прочитав веста за двете венчани ‘монахињи’“, напиша Беччу на Twitter.
Федерика и Изабел, и двете 44-годишни, склучиле пред десетина дена во близина на Торино цивилно партнерство откако одлучиле да истапат од сестринството од редот на францисканците, бидејќи се вљубиле додека работеле во мисијата во западноафриканската држава Гвинеја.
Напишаа на социјалните мрежи дека можеле да постапат „кака и другите припадници на клерот кои живеат заедно во манастир и ја кријат својата врска, но оцениле дека тоа би било лага“.
„Има многу такви случаи во кои свештеници или монахињи ги кријат својата врска со маж или жена“, напишаа поранешните калуѓерки. Додаваат дека никој не им помогнал во нивниот верски ред и „Почувствувавме дека сме сами и, повеќе од тоа, напуштени“.
Италија го легализираше еднополовото цивилно партнерство во 2016 година, по неколку години дебати и силно противење на ватиканската хиерархија. Земјата, во којашто мнозинството жители се изјаснуваат за католици, беше последната држава од западна Европа која го донесе овој закон.
Италијанската бискупска конференција остро го осуди владиниот закон за цивилно партнерство, истакнувајќи дека тој го намалува статусот на традиционалното семејство/
Италијансите медиуми најавија дека заедницата на Федерика и Изабел ќе го „благослови“ Франко Барберо, распопен свештеник од црковната служба во 2003 година бидејќи го поддржа еднополовиот брак./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.