Европа
Париз: Убиени тројца терористи во Сен-Дени, меѓу нив и жена самоубиец, еден побегнал
Во антитерористичката операција што ја започна француската полиција со поддршка на војската во 4,30 часот во средата утрото во париското предградие Сен-Дени убиени се тројца терористи кои се осомничени за учество во крвавите терористички напади од 13-ти ноември во француската престолнина, меѓу кои е и една жена која се кренала во воздух, пренесе телевизијата iTele.
Францускиот министер за правда Кристиан Тобира изјави за телевизијата дека операцијата во претпладневните часови се наоѓа во завршната фаза.
„Според прелиминарните сознанија, во станот се наоѓале шест терористи. Тројца беа уапсени во текот на операцијата. Еден беше неутрализиран од снајпер. Жената се крена во воздух со ‘појас на шехид’ (маченик – бомбаш самоубиец –з.р.)/ Според последните информации, убиен е уште еден терорист“, изјавил неименуван француски безбедносен извор за iTele.
Од драга страна, AFP повикувајќи се на париското обвинителство, известува дека се уапсени петмина терористи. Обвинителството на француската престолнина, исто така, ја потврдило смртта на жената бомбаш самоубиец.
Радиото RTL, повикувајќи се на портпаролот на париската полиција, објави дека и покрај бројните полициски сили и целосната блокада на зградата во која се наоѓале терористи, сепак, еден од осомничените терористи успеал да побегне.
Медиумите јавуваат дека за време на жестоките престрелки при што можеле да се слушнат и експлозии, ранети се и неколку полицајци. Во среда претпладне областа во која сé уште се спроведува операцијата, блокирани се сите улици.
Жителите од соседните станбени објекти беа советувани да не се приближуваат на прозорците, а некои беа евакуирани во прифатилиште. Училиштата нема да работат во среда, а во прекин се сите автобуски и линии на подземната железница кои водат кон Сен-Дени.
Операцијата во северниот париски кварт Сен-Дени започна за апсење на ткн „деветтиот терористи“ од петочните напади, 28-годишниот белгиски џихадист Абделхамид Абаауд.
Абаауд, инаку жител на Моленбек, доселенички кварт во белгиската престолнина Брисел, е осомничен дека е организатор на најголемиот терористички напад во француската историја. Според досегашните сознанија на истрагата, Абаауд ги поврзал терористите и ги финансирал нивните активности. Полицијата претпоставува дека во станот кој е под опсада се наоѓа и уште еден осомничен терорист, исто така, од Моленбек, Салах Абдеслам./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.
Европа
Украина се обидува да ја убеди Индија да застане на страната на Киев, а не на Москва
Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.
Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.
Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.
Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.
Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.
Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.
Русија ја отфрли таа украинска дипломатска иницијатива.