Европа
Побунетите проруски региони во источна Украина ги избраа челниците
Побунетите доминантно рускојазични региони во источна Украина во неделата ги избраа челниците на самопрогласените ткн Народни републики во Донецк и Луганск, чии резултати, и покрај притисоците на ЕУ и САД, Русија најави дека ќе ги признае а Киев ги прогласи за „фарса“ и предупреди дека може да го загрозат кревкиот мировен процес.
Самопрогласениот премиер на Народната република Донецк, Александр Захарченко, во неделата е избра за претседател со повеќе од 81 отсто од гласовите според излезните анкети коишто покажуваат дека излезноста на избирачите била над 85 отсто, соопшти Рома Лјагин, шефот на изборната комисија.Партијата Захарченко кој во август беше именуван за премиер во Донецк командуваше со одредот на проруската милицја „Оплот“, добила 65 отсто од гласовите за народниот совет односно парламентот. Во Луганск, второто по големина и значење упориште на бунтовниците, според излезните анкети исто така би требало да победи бунтовничкиот водач Игор Плотницки.Изборите во самопрогласените републики Донецк и Луганск, би можеле да претставуваат потврда на фактот дека Киев дефинитивно ги загуби овие територии по шестмесечните судири во воената ткн „антитерористичка операција“’ во која силите лојални на прозападните власти во Киев се обидоа да ја повратат контролата врз регионите кон границата со Русија. Во конфликтот досега загинаа повеќе од четири илјади луѓе. Откако во март прозападните политички сили со масовните безредија во кои загинаа стотина луѓе во Киев го соборија поранешниот претседател Виктор Јанукович, кој беше сметан за проруски ориентиран, и откако новите власти во Киев со декрет во рускојазичните региони поставија свои луѓе, црноморскиот полуостров Крим преку референдум си ја поврати автономијата поништена во 1990-те со осамостојувањето на Украина и се присоедини на Руската Федерација, што Западот го смета за руско нелегално анексирање на украинска територија. Прозападниот украински претседател Петро Порошенко изборите во Донецк и Луганс ги оцени како „фарса под закана со тенкови“ и „предизвик“ на кој Украина ќе мора соодветно да одговори.„Се надевам дека Русија нема да ги признае тие таканаречени избори бидејќи тие претставуваат јасно кршење на договорот до Минск од 5-ти септември кој го потпиша и рускиот претставник“, изјави Порошенко говорејќи за мировниот договор кој го потпишаа претставниците на Контактната група, односно на Украина, Русија и Организацијата за безбедност и соработка во Европа (ОБСЕ).Претходно од Луганск и Донецк, соопштија дека изборите се потребни за да се изберат политички претставници коишто ќе имаат легитимитет за преговорите. Западот ги критикуваше избори коишто ќе ги комплицираат мировните напори во украинската криза. Во Москва парламентарецот Михаил Маркелов во неделата навечер оцени дека „Киев е должен да ги призната изборите. Тоа е прашање на војна или мир“. Претходно седмицава шефот на руската дипломатија Сергеј Лавров изјави дека Москва ќе ги признае изборите, а германската канцеларка Ангела Меркел во телефонски разговор на му порача на рускиот претседател Владимир Путин дека „сепаратистичките избори се нелегални“ и дека Европа нема да ги признава.Ниедна меѓународна организација не испрати официјално свои набљудувачи на изборите во Донецк и во Луганск, но некои претставници од членки на ЕУ отпатуваа самостојно во споменатите региони, а Киев одговори прогласувајќи ги за непожелни лица во Украина.Генералниот секретар на Обединетите нации, Бан Ки-у оцени дека изборите „сериозно ќе го загрози договорот од Минск“. Примирјето на теренот сѐ потешко се одржува. Во текот на изборниот дена Донецк и Луганск од утрото беа под силен артилериски оган. Бунтовниците претходно најавија дека откако во остатокот од Украина неодамна се одржаа парламентарните избори, ќе следува нова офанзива на украинските сили. Според податоците на ОН, само последните денови во судирите загинале повеќе од 300 луѓе./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.