Европа
Појас со експлозив најден во канта за ѓубре крај Париз
Појас кој е сличен на појас со експлозив е пронајден во понеделникот во Монруж, јужно предградие на француската престолнина Париз, десет дена по симултаните терористички напади меѓу кои најмалку три изведени со ткн појаси на бомбаши самоубијци, во кои беа убиени 130 луѓе, соопштија повеќе извори.
Сомнителниот предмет е пронајден „во канта за ѓубре, доцна попладнето“, изјавил за AFP полициски извор. Го пронашле чистачите на улици и е подигнат за анализа којашто „ќе потврди дали станува збор за експлозив“, додал извор близок на истрагата.Според овој извор, францускиот државјанин Салах Абдеслам по кого е распишана меѓународна потерница и постојат сомневања дека по атентатите успеал да се префрли во соседна Белгија и чиј брат Брахим Абдеслам се разнесе во текот на нападите, бил преку телефон лоциран на 13-ти ноември вечерта во близина на Монруж, во општината која граничи со Шатијон.Салах Абдеслам, 26-годишен Французин кој живее во Белгија, се смета за единствениот директен жив учесник во париските напади. Полициите на Франција и на Белгија интензивно трагаат по Абдеслам, кој во најмала рак давал логистика во парискиот масакр. „Можеби бил подготвен и да го активира експлозивот на себе“, изјави во саботата адвокатката на едно од двете лица кои признале дека му помогнале во бегството во Белгија следниот ден под нападите, на 14-ти ноември. Според нејзиниот клиент, се чинело дека Абдеслам и во Белгија „под јакната имал бомба“, поради што од саботата ноќта белгиските власти за Брисел ја подигнаа на највисокото ниво тревогата од можен терористички напади и преземаат големи антитерористички акции во потрага по Абдеслам./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.