Европа
Полјаците гласаат на референдум за воведување на мнозинскиот изборен систем
Полјаците во неделата гласаат на референдумот на кој би требало да покажат дали се за реформи на изборниот систем од пропорционален во мнозински, односно воведување изборни единици коишто ќе даваат еден мандат во Сејмот (парламентот), за финансирањето на политичките партии и за измени во даночното законодавство. За да биде успешен референдумот, на избирачките места треба да излезат мнозинството од 30 милиони гласачи.
Иницијативата за референдумот ја поведе поранешниот претседател Бронислав Коморовски, уште по првиот изборен круг од претседателските избори во мај годинава. Тогаш се обиде со овој потег да ги привлече на своја страна гласачите во вториот круг, во кој на крајот победи кандидатот на конзервативната партија Право и правда, Анджеј Дуда.
Сенатот, горниот дом на полскиот парламент, на 21-ви мај ја поддржа законодавната иницијатива на Коморовски за спроведување плебисцитарно изјаснување за споменатите важни прашања. Така, на референдумот се поставени три прашања: за воведување изборни единици кои ќе даваат еден пратеник за изборите во Сејмот (долниот дом на парламентот), измена на финансирањето на политичките партии од државниот буџет, како и промени во даночните закони во полза на даночните обврзници.
Избирачките места беа отворени во неделата во 6 часот и гласањето ќе трае до 22 часот. Според Државната изборна комисија на Полска, референдумот ќе ги чини даночните обврзници 90 милиони злоти, односно околу 24,3 милиони американски долари.
Претседателот на изборната комисија, Војчех Гермелиснки, за медиумите на прес-конференција најави дека резултатите од референдумот ќе бидат објавени во понеделник попладне. Според него, комисијата во текот на денот нема да објавува извештаи за одѕивот на гласачите и делумни резултати по затворањето на избирачките места, туку ќе го објави конечниот резултат по пребројувањето на сите гласачки ливчиња.
Можно е одѕивот на референдумот да не надмине 50 отсто од вкупниот број избирачи, и плебисцитот да биде прогласен за неважечки, според последното истражување на јавното мнение од институтот CBOS.
Според оваа анкета, само 32 отсто од испитаниците се изјасниле дека ќе гласаат на референдумот. Во однос на претходната анкета спроведена во јули, бројот на Полјаците кои се подготвени да гласаат на референдумот се намалил за 9 проценти.
Анкетата била спроведена во периодот од 17-ти до 24-ти август, на национален репрезентативен примерок од 1.040 испитаници. Аналитичарите на CBOS укажуваат дека за разлика од периодот кога беше изгласан, интересот за референдумот меѓу избирачите постојано опаѓал.
Истовремено влијателни политичари во Полска го најавија бојкотирањето на референдумот. На гласањето нема да излезат поранешниот претседател и добитник на Нобеловата награда за мир Лех Валенса, и вицепремиерот и министер за економија, челника на Полската селанска партија, Јануш Пехочински./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.