Европа
Порошенко предаде воена техника и најави нови преговори во Минск
Украинскиот претседател Петро Порошенко учествуваше во саботата на свеченоста на предавање оружје и воена техника на единиците во Чухаево во Харковскиот регион, во источните области недалеку од просторот на кој од април годинава траат судирите со рускојазичните бунтовници и најави нови мировни преговори кои би се одржале на 9-ти декември во белоруската престолнина Минск.
Украинскиот претседател Петро Порошенко учествуваше во саботата на свеченоста на предавање оружје и воена техника на единиците во Чухаево во Харковскиот регион, во источните области недалеку од просторот на кој од април годинава траат судирите со рускојазичните бунтовници и најави нови мировни преговори кои би се одржале на 9-ти декември во белоруската престолнина Минск.
Во саботата украинското министерство за одбрана соопшти дека „на армијата и’ се предадени повеќе од сто парчиња воена техника“, вклучително и тенкови и хеликоптери. Порошенко во Харков ги поздрави припадниците на 92-та бригада на украинската армија и им го предаде оружјето по повод празникот Денот на вооружените сили на Украина. Медиумите наведуваат дека засега нема информации каде оваа воена техника ќе биде употребувана.„Постигнат е прелиминарен договор средбата да се одржи на 9-ти декември во Минск. Задачите, коишто ќе ги постави Украина, е утврдување на распоредот за спроведување на спогодбата од Минск“, изјави украинскиот претседател Петро Порошенко, пренесуваат медиумите.Претходно заменик потпретседателот на Народниот совет на одметнатата самопрогласена ткн Народна република Донецк, Денис Пушилин, за руските медиуми истакна дека следниот состанок на делегациите коишто ќе преговараат за мирно решавање на судирите во источна Украина, ќе се одржи на 12-ти декември во Минск.Според Порошенко, активностите за постигнување примирје во Донбас, треба да продолжат со повлекување на тешкото вооружување од линијата на раздвојување на спротиставените страни, а транспарентноста на овој процес треба да ја овозможи работата на набљудувачката мисија на ОБСЕ./крај/мф/сн
Извор: AFP/ТАСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.